宗像屋 (Closed)

近排好hit嘅魚生飯🐒 我係平日7點左右去到 排左半個鐘先有得食。呢款魚生飯係日本流行嘅3食魚生飯 3種食法分別係：就咁食、包手卷食、加湯當茶漬飯食。個人覺得頭2種食法比較好食，因為可以保留到魚生嘅鮮美，比較原汁原味；而茶漬飯嘅食法則因為湯太咸蓋過左魚生嘅味道，略為遜色。宗像屋提供4種選擇，分別係梅、竹、松、特上，每款包含嘅魚生種類都係唔一樣，而我就揀左最平嘅梅。梅入面有9種魚生，但係因為打碎晒，所以係唔會好似刺身咁食得出魚生本身嘅鮮美。值得一讚嘅係魚生份量十足，以$108呢個價錢黎講係抵食嘅魚生飯。