福滿林酒樓

Open Now

Now Closed

係大澳行下見好攰，本身想食既又要等就真係好random 入左間酒樓入到去 地方好大 座位都算寬敞 望一望餐牌，都係普通酒樓會食到嘅小菜，喺店員好落力嘅推介之下我哋試咗：椒鹽鮮魷🦑炸得都幾香口而且炸粉唔算厚，但係一啲調味都冇，味道都幾單調，冇諗過會係咁嘅整法😅墨魚餅同椒鹽鮮魷🦑嘅整法一模一樣，只可以靠附送嘅泰式辣醬先有味，唔知係咪因為大澳係食海鮮為主所以用原味就足夠。鹹魚雞粒炒飯鹹魚雞粒炒飯都做到粒粒分明，不過整體偏鹹，朋友都覺得好普通。腐乳通菜最後腐乳通菜都係正常味道，但朋友覺得可能炒耐左/本身d 菜比較老，都係評價一般。最後買單都食咗接近$500. 相信都係做遊客生意所以價錢都幾貴。