雲石小姐 (Moved) New Location

見到好多人推介罐裝蛋糕，而且外型好靚適合影相，所以經過終於試咗。店舖非常細，只有兩張枱，食完都唔方便逗留/慢慢坐，環境唔算舒適。草莓芝士罐蛋糕定價$78非常進取，而且份量好少，入面嘅士多啤梨全部都切咗薄片，再加入少少士多啤梨醬同cream，夾埋海綿蛋糕，味道相應價錢非常不值，海綿蛋糕唔鬆軟，cream亦完全冇芝士味。另外仲叫咗tiramisu latte，比起蛋糕嘢飲味道合理，定價$58同一般cafe差唔多，但cafe環境不適合坐得耐傾計、休息，所以都少少覺得物非所值。