Video
Read full review
2021-07-31
267 views
呢排上網成日都見到唔少人介紹一間位於西環嘅泰式fusion餐廳：享慢煮泰，睇圖見到餐廳裝修得好有格調，食物又十分吸引！🤩🤩 望一望個餐廳名，我先醒起原來佢係我好耐之前喺上環食過一間法國餐廳，享慢煮意嘅姊妹店！😮 嗰時都食到舔舔脷，令我非常回味！我諗呢間姊妹店都應該唔錯，於是今日就book咗檯夜晚過嚟試下！😝.餐廳可能因為太受歡迎，即使已經book咗檯，都要喺門口排一排隊，大概等咗半小時～我實在太肚餓了，一入座櫈都未坐暖就即刻瘋狂咁嗌嘢食！🤣 首先上菜嘅係餐廳最出名嘅fusion料理：冬蔭龍蝦湯流心牛角包！西式嘅牛角包、泰式嘅冬蔭功、法式嘅龍蝦湯，三樣嘢夾埋一齊到底係點嘅呢？🤔.第一件事一定係相機食先！😎 喺牛角包嘅中間切開，等龍蝦湯爆晒漿流出嚟，再影相打卡！金黃色嘅牛角包同奶黃色嘅龍蝦湯真係好夾又好靚！影完相就即刻嚟試下，牛角包外層非常酥脆香口，仲食到好香牛油味！牛角包即叫即整，即使上檯之後影咗一陣相，湯汁都唔會被個包索晒～😋😋.龍蝦湯係幾重冬蔭功味，只係微微辣，而且龍蝦味亦都好鮮好突出～🤩 我最鍾意個湯嘅質感，佢絕對唔係稀溜溜好似水咁嚟hea你，個湯非常creamy又濃郁，係極之惹味
.
餐廳可能因為太受歡迎，即使已經book咗檯，都要喺門口排一排隊，大概等咗半小時～我實在太肚餓了，一入座櫈都未坐暖就即刻瘋狂咁嗌嘢食！🤣 首先上菜嘅係餐廳最出名嘅fusion料理：冬蔭龍蝦湯流心牛角包！西式嘅牛角包、泰式嘅冬蔭功、法式嘅龍蝦湯，三樣嘢夾埋一齊到底係點嘅呢？🤔
.
第一件事一定係相機食先！😎 喺牛角包嘅中間切開，等龍蝦湯爆晒漿流出嚟，再影相打卡！金黃色嘅牛角包同奶黃色嘅龍蝦湯真係好夾又好靚！影完相就即刻嚟試下，牛角包外層非常酥脆香口，仲食到好香牛油味！牛角包即叫即整，即使上檯之後影咗一陣相，湯汁都唔會被個包索晒～😋😋
.
龍蝦湯係幾重冬蔭功味，只係微微辣，而且龍蝦味亦都好鮮好突出～🤩 我最鍾意個湯嘅質感，佢絕對唔係稀溜溜好似水咁嚟hea你，個湯非常creamy又濃郁，係極之惹味！揸住個包，再點下碟上嘅湯，味道好豐富好有層次，亦都感到非常邪惡！🤤🤤
冬蔭龍蝦湯流心牛角包
14 views
0 likes
0 comments
.
食泰菜點可以唔叫串燒？😝 我嗌咗一份花生醬沙嗲雞串，雞串燒到又香又脆，面頭仲有少少焦焦～雞肉肉質好扎實又嫩滑仲要有點juicy，最正係點埋個秘製花生沙嗲醬，成嚿雞肉微辣又甜甜哋，仲咬到花生粒，真係忍唔住食完一嚿又一嚿！😆😆
花生醬沙嗲雞串
21 views
0 likes
0 comments
.
叫咗兩個主食，首先出場嘅係真空慢煮挪威三文魚配冬陰燴飯～佢個擺盤有啲似法國菜，相當精緻～平時好少喺出面食熟三文魚，怕嚿魚會煮到乾噌噌，而今次見佢係fusion嘢好似幾得意先叫嚟試試，估唔到有驚喜！😮
.
三文魚係用慢煮方式炮製，所以魚肉肉質好嫩滑軟綿，仲要好juicy㗎！冬陰燴飯嘅冬陰功味道幾香濃，少酸微辣，不過我覺得就無牛角包嘅冬陰功味咁突出，但咁就唔會蓋過三文魚嘅味道～燴飯亦都相當煙韌，而且粒粒分明！🤤
真空慢煮挪威三文魚配冬陰燴飯
10 views
0 likes
0 comments
.
第二個主食就叫咗泰式燒西班牙黑毛豬頸肉配白飯～食泰國嘢除咗必叫串燒，仲會必叫豬頸肉！😎 呢度嘅豬頸肉燒到夠晒火喉，邊皮少少焦脆，肉唔乾之餘仲有啲油脂，肉質嫩滑又爽口彈牙，點埋自家調製嘅泰式酸汁真係無得頂！🤩
泰式燒西班牙黑毛豬頸肉配白飯
14 views
0 likes
0 comments
.
食咗幾樣嘢發現好似無乜點食菜，於是就嗌咗個馬拉盞炒椰菜花（通菜賣晒改做椰菜花）～成碟菜非常香濃惹味！但可能因為係炒椰菜花，馬拉盞醬同調味料炒得有少少唔均勻，所以食個時一啖好鹹、一啖好淡，但我諗如果係炒通菜嘅話就應該唔錯！😋
馬拉盞炒椰菜花
14 views
0 likes
0 comments
.
食咗好多鹹食，最後就來個甜品！呢個甜品名堂好勁，叫椰子雪糕配風乾鳳梨及紫糯米！椰子雪糕係餐廳自家製的，椰子味道好香濃，唔會泰甜，紫糯米軟綿綿好煙韌！風乾鳳梨就係鳳梨乾，甜甜哋又脆卜卜～配埋紫糯米、少少椰絲、少少椰果，成個雪糕嘅口感非常豐富，冰冰涼涼好清爽！😝😝
椰子雪糕配風乾鳳梨及紫糯米
8 views
0 likes
0 comments
.
今次喺享慢煮泰食咗好多嘢，食到好飽好滿足呀！🤤 香港雖然有好多大大小小唔同嘅泰國餐廳，但如果你食到可能有啲厭，覺得泰國嘢好似食嚟食去都係嗰啲，不妨過嚟西環享慢煮泰試下佢嘅特色泰式fusion菜吖！🙈
Post
