藍象泰國餐廳 (Closed)

今日响尖沙咀收工，就同友人嚟到附近的海港城行街同食飯，搵左一間泰國餐廳，幾有情調，食物又幾有水準，最重要係幾扺食。呢間藍象泰國餐廳，响海港城三樓，近中港城個邊，位置唔難搵。入面佈局都以藍色為主調，連餐具也是寶藍色，而配合昏暗的環境，情調一流。基本上整體食物價錢在海港城而言，可以話好扺食，部分一百蚊有找。藍象特色冬薩公配大蝦，也是用左藍色器皿盛載，賣相好吸引。個湯唔算好辣，但好有冬薩公的味道，唔食辣的朋友都值得一試。而大蝦肉質滑又大隻，最好就係已mock了半個殼，好易食。烤豬頸肉全部薄切，切到每塊都差不多，刀攻不錯，而豬頸肉咬落幾爽彈，而泰式醬酸酸辣辣好惹味！魚露蝦干炒椰菜苗，雖然食不太到魚露味，但菜苗就好新鮮又爽，而配合埋D蝦干一齊食，層次感豐富。呢碟燒大蝦炒金邊粉真係要大讚，賣相唔錯之餘，仲有驚喜，個金邊粉炒得好好，乾身得來，唔會一舊舊，加上調味都做得好出色，非常惹味，旁邊有糖、辣椒粉等，唔洗點撈都已經好夠味，而隻大蝦入面好多蝦膏，超正。總括嚟說，呢間餐廳水準好高！