天吉屋 (Closed)

自天吉屋越洋過海喺朗豪坊開張後一直人頭湧湧，每次經過門口都不乏等位嘅食客人龍，未有機會嘗試。呢日因為近期疫情驅使，竟因禍得福可以唔洗排隊直接入座。正如日店一貫作風，主打天婦羅就只主攻天婦羅，菜式選擇單簡而精。先斟一杯牛蒡茶濕濕喉嚨，牛蒡獨特嘅芬香撲鼻，吞咽後仍留於齒頰間。點餐後店員會送上一盤椰菜絲及柚子醋，可自由添加，柚子醋酸酸咪咪，頓時令沙律生色開胃不少。終於入正題天婦羅丼絕對依餐牌配圖比例製成，炸軟殼蟹堆積成小山丘狀，餸仲多過飯！！！有六大件軟殼蟹，金黃酥脆，殼薄肉多，入口仲帶油汁，好juicy；不過食多幾件略微有啲膩，建議配以餐枱上嘅醬料食用增添鹹香，會更惹味。溫泉蛋吹彈可破，外層包住一層麵包糠薄膜，一咬開蛋液噴射而出，蛋香撈飯無得輸呀皇帝菜與櫻花蝦炸成花環狀，口感鬆脆，又帶蔬菜嘅嚼勁，配搭幾特別；比起南瓜、茄子無咁油之餘又香口啲。味噌湯同樣出色，配料足，有紅白蘿蔔、牛蒡、豆干絲、豆腐，鹹度適中，呷一口順喉消滯，非常滿足。朋友點嘅All Star，名符其實樣樣皆有炸蝦大小中等、肉質爽彈；紅鯛魚稔滑軟嫩，魚肉厚身有質感，以紫蘇葉包裹，表皮近似魚皮質感，黏滑彈牙；洋蔥加櫻花蝦嘅配搭惹