麥田緣

Open Now

Now Closed

介紹返我最喜歡的麵包。其實已經幫襯左好多年，以前市面只有連鎖麵包店，質素差到唔知食咗幾多化學野落肚，食過麥田緣之後真係返唔到轉頭，曾經油麻地都有分店架。麥田緣賣台式天然酵母麵包，有很多款式及味道，麵包控嘅第一位一定係蜂巢，另外松露芝士、卡門系列和唐寧伯爵皇冠都好好吃。蜂巢 $35蜂巢其實係一個低調且巨型嘅麵包，無奶無油，用龍眼蜂蜜及酸種製成，沒有濃郁餡料，純粹係享受麵包，啱晒麵包控。麵包非常厚實，咬落軟綿加淡淡清甜蜂蜜味，實而不華。如果麵包太大個，我會切片雪落冰箱保存，咁就唔使一次過食好多了。吃時舖上濕的廚房紙，再放入電飯煲加熱。