麥田緣

Open Now

Now Closed

女同事SL前(7-2-2024  Tue)晚喺喥買麵包做噚日(7-2-2024 Wed )早餐，今次佢買咗紅桑子方包，佢請咗一片俾我食，方包切得厚。食落，方包好軟熟，基本功做得好，而佢有少少甜，紅桑子就令人失望啲，好普通，似提子多。上次食評係2023年9月21日刊登嘅呢篇:https://www.openrice.com/zh/hongkong/review/%E5%94%94%E9%8C%AF%E5%98%85-e5022944

女同事SL前19-9-2023(Tue)晚喺喥買麵包做噚日(20-9-2023)早餐,佢就買多個淮山糙米包請我同女同事C晏晝當下午茶食.到晏晝喇,佢就交俾我分,咁我影張相先,影完掰開食,睇到淮山係正立方體,食落,佢仍有少少硬,而成個包都唔太鹹,口感都正常.詳細分數:味道: 3        環境: 3       服務: 3    衛生:  3    抵食: 3   ok

呢間麵包舖都開咗一排，算係比較高質嘅麵包。以前細個冇能力買貴價少少嘅麵包，而家物價通漲睇返又唔係好貴同埋都想間中食吓高質啲嘅麵包就買左幾款試，真係好好味，好軟熟。

揀好麵包拎去counter俾錢，齊陰馬尾店員突然發晒脾氣問：「你做乜就咁拎埋嚟俾錢！！？」吓？心諗由細到大都係夾個包落膠盤再拎去counter俾錢架啦，有咩問題？店員見我好似學生唔識答老師問題先再講：「我哋呢度係入咗落(透明)膠袋再俾錢㗎！！！」嗰種咀臉真係乞人憎到一個點！其實如果你咁著重呢個規矩點解唔大大隻字白紙黑字拉橫額開埋廣播叫d客服從？再者你另外有個店員(阿之)大大個棟係店面，點解唔提d客要入袋先？有冇必要發咁大脾氣呀？俾錢幫襯你仲要聲大夾惡blame the customer，永久blacklist。

近排都幾鍾意發掘下身邊有啲咩麵包舖，今次去開元朗見到呢間麵包舖嘅麵包啱啱出爐就決定買啲包試吓🥰結果都幾有驚喜🤣宇治金時 ($25/5個)其實係日式紅豆餐包，餡入面有好多紅豆，而且紅豆幾軟淋幾甜🤤包體算幾鬆軟，不過綠茶味唔算好出，紅豆味比較突出蜂巢($35)係一個勁大嘅dough🐝見到佢標榜無蛋、無奶、無油，食落去味道感覺比較輕盈而且健康😌店家寫佢用咗龍眼蜂蜜同魯邦液種，食落去有陣淡淡嘅蜂蜜香，而且幾鬆軟😛冇諗過係街到行下行下都會遇到高質麵包舖🤑希望遲吓可以發掘更加多隱世小店🫶🏻

【麥田緣🌾伯爵茶芝士蛋糕🌾少甜濃芝士】呢間芝士蛋糕係我食過都算好香濃既type，今次見佢出伯爵茶味，就試下佢la~伯爵茶芝士蛋糕 (💝8/10)- 對一個中意芝士既人而言，芝士味無原味同紅莓味濃。但多左茶香，不甜，濃芝士，茶味好出。- 呢款茶味>芝士味- 清清地，不錯🤗$25食過原味、紅莓同伯爵茶既芝士蛋糕原味：香濃芝士味紅莓：比原味多了一絲開胃既紅莓，紅莓不會overpowering, 你未咬到紅莓都唔會食到紅莓味，所以芝士蛋糕既芝士原味仍然好好保留伯爵茶：每啖都食到伯爵茶味，芝士味相對較少所以如果你想試下佢最orginal 既芝士味，可以揀紅莓如果想茶味多過芝士味，先揀伯爵茶(📍元朗) 麥田緣元朗西菁街9號富盛大廈地舖

廚窗個size既蛋糕，同店員拎比我個件有出入。門口都未出，叫個店員換過一件死都唔肯，如果我淨係買得一樣嘢既話，我覺得唔換都OK呀，但佢間野買個麵包都幾十蚊，我又唔係買得一件，好聲好氣問佢可唔可以換，但就點都唔肯換，唔會再幫襯。味道係普通一件伯爵茶、面頭太甜遮曬伯爵茶味，味道同價錢唔成正比。其實咁細件真係食唔出有咩味，建議你買夠兩件啦。至於值唔值$25蚊一件，就真係見仁見智啦。態度就一定比爆你負分。

未搬入元朗之前我家姐已經同我提過呢間麵包店天然健康，水準唔錯，但價錢就比較貴～到我宜家搬左過黎之後間唔中都會幫襯，因為始終好怕坊間鬆軟既麵包落太多添加劑～雖然佢零添加劑，但試過咁多款口感都係好鬆軟，而且食完係飽唔係食空氣食到脹既感覺👍呢度以前有得試食，但疫情期間無左，而且全部用左獨立包裝👍其實之前已經試過好多款，包括王牌唐寧伯爵皇冠，蜜觀音，亞麻籽山藥，朱古力吐司，薰衣草吐司，原味吐司等等，不過就無影到相～尋晚專登去買左個王牌唐寧伯爵皇冠（ＨＫＤ５０），貪佢無奶既成份岩我食 （除左無奶仲係無蛋無糖無油）５０蚊一個包其實都幾誇張，不過好大個，用料靚👍食落有伯爵茶同蜂蜜淡淡既香味，仲有鳳梨乾同紅莓，唔會太甜，口感豐富，重點係食完都唔會覺得胃脹😋蜜觀音就係用龍眼蜂蜜、鐵觀音同抹茶粉整既，印象中都係無奶無蛋無糖無油～但我就覺得呢個麵包真係比較淡味，而且無餡料，個人認為比較DＲＹ，唔係我杯茶😅亞麻籽山藥裡面真係有粒粒既山藥，有口感，而且好健康既組合👍👍朱古力吐司有幾濃郁既朱古力味，唔會太甜～薰衣草吐司有唔太濃亦唔太淡既薰衣草味，不過個人黎講食唔慣😅始終覺得薰衣草攞黎聞好過攞黎食原味吐司都係無奶無

麥田緣在元朗開業多年，一開始覺得價錢有點貴就沒有光顧，但偶然一次嘗試後就不能回頭了…而且在其他店不斷加價時，這間高質麵包沒怎改變價錢，就顯得更加划算了。無論是方包、卡門都很美味，今次就來試試它的蛋糕！伯爵茶芝士蛋糕、莓芝士蛋糕 $25這個芝士蛋糕看起來有點硬身，但吃下去瞬間立即在口中溶化，要升天了～雖然不算很大塊，但$25這個價錢這個質素，比起很多蛋糕店來說已經非常便宜。個人較喜歡伯爵茶味，清新茶香跟芝士非常搭配！朋友則較喜歡莓味的微酸。購買時後者只剩下一件，可能是較受歡迎吧？麥田緣是元朗最美味的麵包店，不服來辯！

介紹返我最喜歡的麵包。其實已經幫襯左好多年，以前市面只有連鎖麵包店，質素差到唔知食咗幾多化學野落肚，食過麥田緣之後真係返唔到轉頭，曾經油麻地都有分店架。麥田緣賣台式天然酵母麵包，有很多款式及味道，麵包控嘅第一位一定係蜂巢，另外松露芝士、卡門系列和唐寧伯爵皇冠都好好吃。蜂巢 $35蜂巢其實係一個低調且巨型嘅麵包，無奶無油，用龍眼蜂蜜及酸種製成，沒有濃郁餡料，純粹係享受麵包，啱晒麵包控。麵包非常厚實，咬落軟綿加淡淡清甜蜂蜜味，實而不華。如果麵包太大個，我會切片雪落冰箱保存，咁就唔使一次過食好多了。吃時舖上濕的廚房紙，再放入電飯煲加熱。

-🦄麥田緣 @breadtogether-蜜觀音 Hkd30Rating🌕🌕🌕🌕🌑-第二次專登去元朗既麥田緣買包🍞因為都知道呢間麵包店好多麵包都係無添加😳所以真係好岩我食😆😆不過今次去麥田緣好明顯比之前幾年前去既時候少咗好多選擇🤔但就簡左呢個新出品-蜜觀音🍵😗雖然佢都要30蚊 不過都真係幾大個😆而且係無油無奶無蛋 相信素食人士都岩食👍🏻最緊要係佢無油 咁食落就唔會咁大罪惡感一打開個膠袋已經聞到好大陣茶味🤤🤤‼️相信係鐵觀音既味道 陣陣茶味甘香聞落真係好舒服不過當然食落就唔會食到好大陣茶味啦😂反而係食到淡淡既蜜糖🍯甜味入口好舒服因為真係好清新😲😌而鐵觀音既味道係有少少蓋過左抹茶味嘅🍵所以抹茶控唔好對佢有咁大期望喔😂現實中好難搵到呢啲無添加既麵包🥖無糖無油又低碳既包就真係食得安心又放心希望會有更多呢啲無添加嘅麵包店出現啦😵✨-

已不是第一次買這間的麵包，這間的麵包不算便宜，但寫明用料，這個黑森林令人驚喜，一個小餐包，只要叮返熱，就會有流心的效果。麵包柔軟，朱古力不是過漏，過甜，剛剛好，令人吃完想再吃。

-🦄麥田緣-蜂巢 Hkd35Rating🌕🌕🌕🌕🌑-難得出左去元朗又點可以唔買個麥田緣既包呢？呢間麵包我留意左好耐🤭都Bookmark左要食😆佢有好多款唔同既麵包🤤款款都可以試食😆而我款款都好想食haha🙈但最後都簡左呢個蜂巢🐝因為佢冇油冇蛋冇奶👍🏻感覺上就健康好多💕用左龍眼蜂蜜同酸種整出來既蜂巢 食落有淡淡既清甜但甜味真係好淡🙈🙈會多左份清香🤔岩曬我呢啲唔中意太甜同死甜既野食既人👍🏻而且真係好好好鬆軟 食落口感好明顯係唔同出面食開既麵包🍞雖然佢賣35蚊一個可能你會覺得貴😌但呢個包真係好大個 要分幾日食而且咁既質素係值得既💕👍🏻再加上我都係店到試食左好幾款包唔買又真係對唔住自己啦haha-

平時食開佢有cream cheese嘅麵包，尤其係榴槤麵包。不過今日想講嘅，係佢嘅牛奶布丁同埋焦糖布丁🍮$15/1個或者$50/4個，所以我買咗4個琴日食咗牛奶布丁，店舖寫係澳洲牛奶做嘅。我返屋企食，倒咗係碟度食。嗰邊都癡得有少少實，我要用刀界一界嗰邊，就好容易倒左出嚟。好靚呀💛味道方面，一啲都唔甜，糖漿都唔會係甜椰椰個啲。布丁都唔會太甜，牛奶味都唔錯。不過布丁就比較實，不過係滑嘅。質地可能似penna cotta多D. 左邊係牛奶布丁，右邊係焦糖布丁。焦糖布丁係見到有雲呢拿籽嘅， $15/個，我覺得算係性價比高。元朗區都有其他布丁甜品都好好食，不過價錢相對地高少少。視乎個人需要及喜好啦😉焦糖布丁相對地蛋味香好多，兩個雖然望落去好似，不過味道都幾唔同。

其實我係麵包控，試過一次麥田緣後成日都想去買。佢既麵包好多選擇，好多味道。仲要有得試食（試食既份量都好多😂😂，試食曬會飽），真係食過覺得好味先買，物唔洗擔心比咁貴錢又唔好食。價錢貴d，但係就十分足料。所以每次經過都一定忍唔住入去買。我特別中意藍莓芝士卡門，好重cheese味，再配藍莓，真係一d都唔漏反而係酸酸味味咁，好開胃另外都食過紫薯，覺得唔甜，幾好味。有一個係紅梅乾芝士，我都好好好好中意!! 如果平d就好，想日日都食。