渝人碼頭 (Closed)

舖面不是很大，但枱夠濶、枱與枱之間的空間及走廊空間也夠。裝潢樸實、簡潔，坐落幾舒服。食得重慶菜，麻辣雞煲一定會點。這裡的特色是辣椒是用四川運來的辣椒，所以特別夠辣味，而且雞煲裡面還加了花膠。爽滑牛肉不單又爽又滑，牛肉味還很重，啱晒我呢類牛肉控。手工特級蝦滑很滑既呢，烚熟之後仲好夠彈。霸王嫩牛肉是用四川霸王椒加上幾種不同辣椒腌制，可想而知有幾咁辣。除了辣，牛肉也很嫩。食火鍋通常食肉為主，臨尾梗要嗌番些少菜中和一下。叫娃娃菜有個好處，就係滾耐左都唔會變黃變老。這店還有甜品供應的。食火鍋最怕唔熟，同時又怕熟過籠。order sheet 印上了建議灼幾耐既時間。另外，火鍋配料有一份及半份可揀，呢兩個安排其實幾好、幾細心。