Video
Read full review
2023-04-02
72 views
餐廳樓底超高空間感十足，仲有室外位置俾毛孩郁動。我見大部分養大型犬隻嘅客人都選擇坐室外，而細狗仔坐室內時老闆仲搬咗張BB櫈俾狗仔，話狗仔會坐得舒服啲喎😆。睇得出老闆真係好錫毛孩，淨係寵物零食都買咗五六款😮。餐廳環境有格調之餘，食物質素不論係味道定賣相都好得👍🏻：🥗#自選沙律組合($48)▪️平時好少食菜嘅我會主動叫沙律，都係因為見到餐廳吧枱個邊有個大形溫室植物櫃▪️果然自己種嘅沙律菜係新鮮啲(份量仲幾多)▪️配#意大利黑醋，酸酸尾尾更開胃😍▪️另外要加一款配料，我地揀咗雞蛋($18)，唔知點解啲蛋白好彈😂🐷#巨型豬鞍扒配紅菜頭牛油果莎莎 ($188)▪️豬鞍扒厚度分分鐘有4cm😱▪️老闆話佢哋先用低溫慢煮再油炸，所以做到外皮酥脆但入面唔會乾，入面嘅肉粉色亦係正常嘅😛▪️一定要點汁食(有食日式吉列豬扒嘅感覺)▪️紅菜頭新鮮爽脆又解膩▪️成個set會跟埋少少沙律菜🐔#招牌海鹽黑椒烤雞 (半份) ($168) 配#麻辣牛油燒汁、#風乾蕃茄阿根廷青醬▪️醬汁有十款選擇咁多(10揀2)▪️烤雞香飄十里，一切落去啲雞汁爆曬出嚟😍▪️兩款醬汁同樣出色，直頭覺得自己係中國同阿根廷來回飛😂▪️麻辣牛油燒汁—又鹹又辣好惹味▪️風乾蕃
餐廳樓底超高空間感十足，仲有室外位置俾毛孩郁動。我見大部分養大型犬隻嘅客人都選擇坐室外，而細狗仔坐室內時老闆仲搬咗張BB櫈俾狗仔，話狗仔會坐得舒服啲喎😆。睇得出老闆真係好錫毛孩，淨係寵物零食都買咗五六款😮。
餐廳環境有格調之餘，食物質素不論係味道定賣相都好得👍🏻：
🥗#自選沙律組合($48)
▪️平時好少食菜嘅我會主動叫沙律，都係因為見到餐廳吧枱個邊有個大形溫室植物櫃
▪️果然自己種嘅沙律菜係新鮮啲(份量仲幾多)
▪️配#意大利黑醋，酸酸尾尾更開胃😍
▪️另外要加一款配料，我地揀咗雞蛋($18)，唔知點解啲蛋白好彈😂
🐷#巨型豬鞍扒配紅菜頭牛油果莎莎 ($188)
▪️豬鞍扒厚度分分鐘有4cm😱
▪️老闆話佢哋先用低溫慢煮再油炸，所以做到外皮酥脆但入面唔會乾，入面嘅肉粉色亦係正常嘅😛
▪️一定要點汁食(有食日式吉列豬扒嘅感覺)
▪️紅菜頭新鮮爽脆又解膩
▪️成個set會跟埋少少沙律菜
🐔#招牌海鹽黑椒烤雞 (半份) ($168) 配#麻辣牛油燒汁、#風乾蕃茄阿根廷青醬
▪️醬汁有十款選擇咁多(10揀2)
▪️烤雞香飄十里，一切落去啲雞汁爆曬出嚟😍
▪️兩款醬汁同樣出色，直頭覺得自己係中國同阿根廷來回飛😂
▪️麻辣牛油燒汁—又鹹又辣好惹味
▪️風乾蕃茄阿根廷青醬—味道較清新，青草蓉比例上都幾多，橄欖油反而唔太重
🔸建議餐廳可以比客人揀要唔要蒜頭同甜薑，以免造成浪費
🍝#牛骨髓配烤雞忌廉意粉 ($188)
▪️原條牛骨髓烤到微微焦香，牛嘅油脂香味非常濃郁
▪️烤雞忌廉意粉嘅份量都唔細，忌廉濃稠，配意粉一流
▪️本身以為牛骨髓加忌廉會好重口味，結果意外地夾
Btw見到餐廳條長樓梯落地下室就多嘴同老闆嗲咗兩句🙈，原來下面遲啲會開寵物酒店美容同滑雪場(?)，加埋各款寵物零售產品✨，老闆話希望4月順利開放俾大家😆。
Post
