客尚來

Open Now

Now Closed

好食嘅口水雞好難搵。幾年前食客尚來口水雞係好食嘅，今次嚟到西營盤，雖然印像中上年食過好似麻麻，但始終印像模糊決定再試一次。叫咗一個口水雞客飯，一個回鍋肉客飯。兩個客飯價錢相同，但分量就差好遠。先講分量：回鍋肉有肉有菜當然知道啦，但估唔到佢肉嘅份量少得咁可憐。以同等價錢嚟講，回鍋肉得幾片簿肉加成碟菜，成本一定低過口水雞好多。呢碟回鍋肉食水真係深!再講味道：口水雞真心失望！！白斬雞家口水雞配料，感覺並冇醃製過而係就咁淋上去。呢一種「雞精」做法雖然度度都係，但係以前客尚來唔係咁㗎！真係 好 • 好 • 好 失望！至於回鍋肉呢，味道亦都十分普通。只係得幾小片薄肉，其實只係食到菜味就算連個菜飯都做得咁求其菜少飯多乾增增一啲油都冇，完全唔合格！做法只係白飯撈幾粒菜粒。