喜相逢 (砵蘭街)

Open Now

Now Closed

雖然喜相逢係好古色古香嘅裝修，但係原來裏面中西菜都有得食，好有趣。今次試咗好多人推介嘅湯餃，感覺不錯。試咗2款湯餃，2款都係好多餡料，皮都夠薄而且滑，食得出係自已搓嘅皮。唔小心叫咗個辣嘅湯底，不過出乎意料之外係我接受到嘅辣，本來以為川菜嘅辣係會辣到飛天。個湯底除咗辣之外仲有啲酸味，飲落有少少麻，係唔食得辣嘅人都接受到。即使係麻辣湯底，都唔會油膩，好好飲。另外推仲水晶皮蛋，好滑好彈牙，同其他店嗰啲尖椒皮蛋完全唔一樣，呢個好食非常多，又不失麻辣香。