Video
Read full review
2020-06-28
1213 views
同同事收工一齊食飯，有咩好得過去大排檔飲返兩杯？但係天氣咁熱，街邊真係咪搞。不過又想要大檔風味，我諗妹記應該啱你哋！環境：係商場入面，有冷氣是常識吧！地方都算幾大，有足一層面積，不過雖然大，但係都係坐得好逼，枱與枱距離唔多，行出行入都要大家就下。而且因為係室內，但又係大排檔形式，所以真係好.... 嘈，嘈到以為自己落左 Club 一樣，同枱食飯真係要大大聲先聽到對方講乜。食物：食物選擇都多，同街邊大排檔冇乜分別，當晚我哋四個人就叫左以下幾個小菜，整體未係叫得上十分高質，不過都可以話係不過不失，唔會令人失望！黑椒薯仔牛柳粒：$138份量唔算多，而且個人認為牛柳較韌，醬汁亦較傑身，但整體都唔會難食，中規中矩。咸魚茸飛天通菜煲：$72呢個份量好大，而且味道夠哂惹味，蒜蓉夠多夠香，啲菜又唔會有渣，講笑咁講，剩係食呢個餸都可以送到飯！椒鹽九肚魚：$72 份量中規中矩啦，但食落感覺真係似食粉多個似食魚，雖然炸得好香脆，但有點兒欠奉真材實料，完全食唔出九肚魚應有嘅香味，失望！椒鹽豆腐：$52呢個豆腐有驚喜，因為平時食開多數係切細粒咁上，但係呢度就大大粒咁炸。同九肚魚一樣道理，炸得香脆，但唔夠鬆化，
環境：
係商場入面，有冷氣是常識吧！地方都算幾大，有足一層面積，不過雖然大，但係都係坐得好逼，枱與枱距離唔多，行出行入都要大家就下。而且因為係室內，但又係大排檔形式，所以真係好.... 嘈，嘈到以為自己落左 Club 一樣，同枱食飯真係要大大聲先聽到對方講乜。
食物：
食物選擇都多，同街邊大排檔冇乜分別，當晚我哋四個人就叫左以下幾個小菜，整體未係叫得上十分高質，不過都可以話係不過不失，唔會令人失望！
黑椒薯仔牛柳粒：$138
份量唔算多，而且個人認為牛柳較韌，醬汁亦較傑身，但整體都唔會難食，中規中矩。
黑椒薯仔牛柳粒
$138
39 views
0 likes
0 comments
咸魚茸飛天通菜煲：$72
呢個份量好大，而且味道夠哂惹味，蒜蓉夠多夠香，啲菜又唔會有渣，講笑咁講，剩係食呢個餸都可以送到飯！
咸魚茸飛天通菜煲
$72
29 views
1 likes
0 comments
椒鹽九肚魚：$72
份量中規中矩啦，但食落感覺真係似食粉多個似食魚，雖然炸得好香脆，但有點兒欠奉真材實料，完全食唔出九肚魚應有嘅香味，失望！
椒鹽九肚魚
$72
66 views
0 likes
0 comments
椒鹽豆腐：$52
呢個豆腐有驚喜，因為平時食開多數係切細粒咁上，但係呢度就大大粒咁炸。同九肚魚一樣道理，炸得香脆，但唔夠鬆化，外皮我略嫌太脆，同裏面豆腐口感對比太大，不過都算得上中上質素！
椒鹽豆腐
$58
40 views
0 likes
0 comments
Post
