何時 • 河地 (Closed)

為咗靚景而去嘅餐廳！🏞️個水塘真係好靚，不過應該冇下次因為食物質素真係好一般 因為當時人手唔夠，由搵位到嗌嘢食都係自己嚟。最始料不及嘅係餐廳居然冇！冷！氣！😱淨係得一部手提小風扇⋯⋯怕熱嘅我簡直覺得好似置身喺熔爐入面🥲 不過唔緊要啦親親大自然係咁(⊙ꇴ⊙)，不過我正當終於有位諗住可以嘆世界嘅時候，發現場地狹窄而相當唔隔音，職員之間不斷靠互嗌嚟溝通之餘，語氣仲幾唔差⋯⋯說好的weekend getaway chill vibe呢( ꒪⌓꒪) 📌歐陸肉丸燴肉醬意粉 ($78) 和 香草白汁燴海鮮意粉 ($78)🍝 份量適中，意粉質地偏硬，味道淡然無味，肉丸味道正常，並非彈牙多汁。即食麵質素，絕對不值此價。 📌精選蛋糕 ($38) 🍰 冇記錯喺芝麻味蛋糕，不過無所謂啦都食唔出有芝麻味(⚆_⚆) 賣相幾討好，黑白相間，層次分明，但係食落好似擺咗好耐咁，連忌廉嘅口感都係半溶狀態。連我呢個蛋糕愛好者，都食唔落去⋯⋯ 📌咖喱拼盤($55)🦑 有魚蛋、魷魚、牛柏葉，味道正常，算係當日食到最有質素的一道菜！不過落多啲咖喱汁更佳。