Video
Read full review
6 day(s) ago
0 views
餐廳入面裝修簡樸典雅兼備，座位寬敞；好配合佢嘅高檔日式燒肉店路線。 最值得推介嘅晚餐係 Tasting Menu ($418/set)。每一道燒肉菜式都係自己燒烤，可以自己控制時間，燒出自己鍾意嘅燒肉口感！ 喺香港開高級日式燒肉店，少不免採用日本產嘅和牛，店內就有提供宮崎產和牛，另一款就係鹿兒島縣產；全部由日本直接進口。前菜係和牛他他配法包，和牛味道一啲都唔會俾醬汁蓋過咗，食落超開胃。海鮮煎餅我哋用咗2分鐘就清晒，真係好好食，冇諗過日式燒肉店做嘅韓式料理都咁好食😋迷你沙律入面嘅菜入口爽脆，連埋啲沙律醬一齊食好清甜。宮崎和牛嘅上牛排肉，油脂分佈算均勻，可以見到一條條幼細嘅脂肪紋。入口柔軟鬆化、肉味鮮美，肉汁豐富、帶有淡淡油脂香甜；比起其他燒肉店嘅和牛小排好食好多。之後再食薄切牛板腱，先知道一山還有一山高😮。先講賣相，油花分佈均勻，好靚。拌住壽司燒汁同日本生蛋黃，入口肉質更鬆化、肉味更鮮美、油脂更香。特上肩肉眼雖然歸類為瘦肉，但始終係宮崎和牛，仍然有油花。肉味香濃豐富；中間嘅一條幼筋完全唔韌，入口軟綿。肩肉眼入口即化，肉汁溢滿口腔。每一片呈完全嘅粉紅色；燒烤時，油脂受熱溶化而火花四濺。薄切
最值得推介嘅晚餐係 Tasting Menu ($418/set)。每一道燒肉菜式都係自己燒烤，可以自己控制時間，燒出自己鍾意嘅燒肉口感！
喺香港開高級日式燒肉店，少不免採用日本產嘅和牛，店內就有提供宮崎產和牛，另一款就係鹿兒島縣產；全部由日本直接進口。
前菜係和牛他他配法包，和牛味道一啲都唔會俾醬汁蓋過咗，食落超開胃。海鮮煎餅我哋用咗2分鐘就清晒，真係好好食，冇諗過日式燒肉店做嘅韓式料理都咁好食😋迷你沙律入面嘅菜入口爽脆，連埋啲沙律醬一齊食好清甜。
迷你沙律
0 views
0 likes
0 comments
牛他他配法包
0 views
0 likes
0 comments
海鮮煎餅
0 views
0 likes
0 comments
宮崎和牛嘅上牛排肉，油脂分佈算均勻，可以見到一條條幼細嘅脂肪紋。入口柔軟鬆化、肉味鮮美，肉汁豐富、帶有淡淡油脂香甜；比起其他燒肉店嘅和牛小排好食好多。
之後再食薄切牛板腱，先知道一山還有一山高😮。先講賣相，油花分佈均勻，好靚。拌住壽司燒汁同日本生蛋黃，入口肉質更鬆化、肉味更鮮美、油脂更香。
特上肩肉眼雖然歸類為瘦肉，但始終係宮崎和牛，仍然有油花。肉味香濃豐富；中間嘅一條幼筋完全唔韌，入口軟綿。肩肉眼入口即化，肉汁溢滿口腔。每一片呈完全嘅粉紅色；燒烤時，油脂受熱溶化而火花四濺。
薄切牛舌芯大大塊兼厚切，份量唔少，相對和牛抵食。入口彈牙兼有油脂，質素好過坊間大部分嘅日式燒肉店。牛舌已經稍稍用鹽蔥汁醃製過，味道好好；要注意火喉控制，好好把握燒牛舌嘅時間，尤其需要因應厚薄唔同而調節。
宮崎和牛上牛排肉
0 views
0 likes
0 comments
宮崎和牛特上肩肉眼
0 views
0 likes
0 comments
宮崎和牛上牛排肉
0 views
0 likes
0 comments
宮崎和牛薄切牛板腱
0 views
0 likes
0 comments
薄切牛舌芯
0 views
0 likes
0 comments
之後燒嘅鹿兒島豚五花肉都一樣好好味！口感同和牛肉好相似，肉香濃郁、兼且又有適量油脂；入口柔軟、纖維綿密，係鍾意肉味濃郁人士嘅首選。
鹿兒島豚五花肉
0 views
0 likes
0 comments
海老同帆立貝有豐富礦質、又有柔軟肉質，係日式燒肉店嘅人氣烤物。
海老同帆立貝
0 views
0 likes
0 comments
整體嚟講燒肉嘅質素好出色，不愧係宮崎和牛，比起坊間嘅其他日式燒肉店真係好食好多；如果想食得奢華啲、刁鑽啲，可以揀呢間嚟試吓～
Post
