成都老碼頭火鍋 (Closed)

豬骨湯底足料餚製，上鍋時都見到有好多材料，味道都好濃郁。手打龍蝦肉蝦丸睇落似普通蝦球，但食落就好彈牙，不愧係手打岀黎。順德魚腐值得一試，外表普通，但其實幾厚實彈牙。A4牛頸脊見到啲雪花紋都好吸引，肉質夠哂嫩口，薄薄嘅一層煮10幾秒就放得入口，食得到嘅鮮嫩，而且入口即溶。值得一試。菠菜墨魚滑喺坊間比較少見，口感都比較爽滑，唔似普通墨魚滑會淋身。珊瑚蚌肉質爽脆，食落都幾新鮮，係一個唔錯嘅選擇。竹笙特別要讚下係份量夠多，而且仲好大塊。加上爽脆可口，啱哂用黎打邊爐。芝士小籠包都幾唔錯，入面包住好多芝士，味道都夠哂濃郁。價錢雖然唔平，但食到呢個質素都幾唔錯，而且選擇都唔少，想食到高質打邊爐嘅可以黎試下。