Video
Read full review
2023-09-01
918 views
餐廳：La Rosabelle Bar & Grill (將軍澳)地址：將軍澳澳南海岸唐俊街23號MONTEREY Place地下G6號舖適逢母親大人生日🎂，專登喺將軍澳海濱公園附近搵咗間靚靚哋嘅餐廳一家人慶祝，本身諗住去La Rosabelle Bar & Grill叫個All Day Set Menu for 4，點知去到先知得Weekend有，好在見到Openrice訂位星期一至四A La Carte Menu有全日8折優惠🎊，加上餐廳有法國同意大利籍大廚坐鎮炮製一系列歐洲多國菜式(我阿媽話想試吓歐洲菜)，所以決定照帶屋企人嚟豪食一餐擁有歐陸式華麗宮廷建築風格，用咗金色同木系傢俬建構成間餐廳嘅環境🔱，仲有充滿藝術氣息嘅油畫🖼、皮製梳化、歐式壁燈、木製樓梯同木櫈🪑，每一個細節都體驗到奢華嘅氣派✨。佢哋同時有Outdoor座位，坐喺室外就好似去咗歐洲小鎮咁，既Relax仲喺Pet-friendly🐶，而因為室內冷氣風太勁嘅關係，我同呀媽坐咗一陣就凍到震晒🤣，食完之後我哋不約而同咁話早知坐出面應該仲Chill，如果嚟食飯嘅話記得帶多件褸喇🤓✝️美國安格斯T骨牛扒 $498乾式熟成咗21日
地址：將軍澳澳南海岸唐俊街23號MONTEREY Place地下G6號舖
適逢母親大人生日🎂，專登喺將軍澳海濱公園附近搵咗間靚靚哋嘅餐廳一家人慶祝，本身諗住去La Rosabelle Bar & Grill叫個All Day Set Menu for 4，點知去到先知得Weekend有，好在見到Openrice訂位星期一至四A La Carte Menu有全日8折優惠🎊，加上餐廳有法國同意大利籍大廚坐鎮炮製一系列歐洲多國菜式(我阿媽話想試吓歐洲菜)，所以決定照帶屋企人嚟豪食一餐
擁有歐陸式華麗宮廷建築風格，用咗金色同木系傢俬建構成間餐廳嘅環境🔱，仲有充滿藝術氣息嘅油畫🖼、皮製梳化、歐式壁燈、木製樓梯同木櫈🪑，每一個細節都體驗到奢華嘅氣派✨。佢哋同時有Outdoor座位，坐喺室外就好似去咗歐洲小鎮咁，既Relax仲喺Pet-friendly🐶，而因為室內冷氣風太勁嘅關係，我同呀媽坐咗一陣就凍到震晒🤣，食完之後我哋不約而同咁話早知坐出面應該仲Chill，如果嚟食飯嘅話記得帶多件褸喇🤓
✝️美國安格斯T骨牛扒 $498
乾式熟成咗21日嘅美國PRIME安格斯T骨牛扒，一份有500g，夠兩至三個人share，熟成過令牛肉嘅嫩度同牛香風味更出色，無論切落定食落都好多肉汁💦。
叫咗7成熟，不過牛扒就燒烤得唔夠均勻🔥，外層同邊邊接近7成熟，
但牛扒中間同近T骨位置就比較生，加上餐廳冇牛扒刀提供🔪，好彩request完大廚肯幫我哋切成一條條再上枱
✝️法式青口鍋配炸薯條 $248
法式青口用咗忌廉白汁去烹煮，青口唔算大隻但份量都算多，一啲腥味都冇，
非常入味但個人覺得略為有少少鹹🤏，仲有香脆薯條伴碟🍟，如果配埋杯酒都幾正🤓
✝️烤原條海鱸魚配烤雜菜及羅勒汁 $328
海鱸魚喺地中海菜常見嘅海鮮🐟，原條拎去香烤再上碟賣相相當吸引😍，
魚肉肉質堅實鮮嫩而且唔算多骨，加上少少嘅鹽香同三款自家製嘅醬料：莎莎醬、芥茉醬同秘製辣醬，風味就更加突出😋
✝️黑松露蘑菇意大利飯 $168
好Creamy嘅黑松露蘑菇意大利飯，由意大利籍大廚以最正宗傳統嘅方式去炮製，蘑菇香味出眾🍄，輕輕黑松露香唔會太強烈，口感滑膩米飯有種Al Dente嘅半生熟口感，不過個人覺得鹽鹹味重咗少少，但我阿媽幾鍾意🤣
話明幫母親大人慶生🎂，少少嘅Surprise同甜品梗喺唔少得，叫咗個雲呢拿雪糕窩夫($98)同Tiramisu($78)，師傅好好咁幫我哋將兩份甜品合拼成拼盤再寫上「Happy Birthday」同點蠟燭先上枱🕯，不過原來要額外加$20，雖然甜品細份咗啲，但味道確實唔差🤤，最重要喺氹得母親大人開心嘛🥳
Post
