華南粉麵茶餐廳

Open Now

Now Closed

陪老公做完嘢已經成11點，雖然未食晚餐，但夜麻麻都不能食得太飽太爆炸。而且又難得過海，老公就帶咗我黎灣仔食佢之前OT的日子的宵夜首選。老公推介必食牛腩，所以我就點咗魚旦牛腩米，魚旦聲稱是自家制的，但就不夠爽口，口感有點糊糊的。主角牛腩就肥瘦得宜，咬落是鬆化的，一點乜不韌，而且十分入味。老公要咗個坑腩牛雜麵，但我無食過就無謂品評啦。另外點了一碟油菜及炸魚皮，正常。2個人食咗2百幾蚊，食粉麵黎講都算貴，但起碼是好食的。