金發車仔麵

Open Now

Now Closed

每逢經過想食宵夜都會諗起金發車仔麵， 這間小店大約收凌晨兩點左右， 我試過落機好肚餓會專程揸車到這裏吃宵夜，路過又會買碗糖水。昨晚接完媽咪機之後，我們又來這裏吃宵夜， 點咗兩碗車仔麵加一碟腸粉，牛肉球和燒賣。屋企人好鍾意食呢度嘅車仔麵， 覺得抵食， 味道又唔差，份量又多。 而我就最鍾意食這裏的腸粉，燒賣和牛肉球。 腸粉蒸得好滑， 配上甜醬麻醬勁滋味。 食物方面仲有其他選擇， 例如糯米雞和串燒 ， 串燒種類很多。 甜品我最喜歡渣咋，每一次點喳咋都會叫阿姐落多啲椰汁， 甜度適中帶有椰香味，如果大家經過都可以試下。