芝心糖人街 (Closed)

夜晚食芝士全餐做宵夜係小確幸，之前已經聽好多朋友讚呢度嘅小食，今日一於嚟食個宵夜。先來一客 台灣鹽酥雞 ($30) 呢個係呢度嘅大熱食品。鹽酥雞炸粉薄薄一層，炸得酥脆，咬落雞塊軟熟有肉汁，頗有台灣風味。鹽酥雞有辣有唔辣，可隨個人喜好選擇，嗜辣嘅我就覺得辣粉可以再多一啲。特濃芝士撈丁($35) 芝士份量非常慷慨！ 滿滿嘅芝士醬鋪滿麵上，呢隻芝士唔係一般撈丁嘅芝士汁，偏向車打芝士味，所以有人覺得芝士味唔夠濃，芝士汁「鯨」得幾快，所以要襯熱食。其實啲芝士汁可以唔落咁多，咁可能可以減卻膩感。撈丁麵質不錯，而且仲可以揀兩個餸，以呢個價錢係抵嘅。呢度好多款小食糖水都好吸引，味道不錯而且價錢唔貴，性價比高啊，小店營業至凌晨兩三點，反而中午唔開，大概下午三點先開。