彬記粥麵專家

Open Now

Now Closed

第一次去食係因為嗰日夜收工，好多餐廳已經收咗，男朋友就帶咗我去食呢一間。呢度主要係食粥同面，但其實呢度仲有其他小食都幾好食架。男朋友話呢度以前嘅薑蔥魚腩煲好好味，不過佢覺得依家差咗。今次係因為同朋友提起呢度有薑蔥魚腩煲食，佢話想試吓所以就去咗。一上菜時，已經聞到陣陣香味同埋聽到個d 炸炸聲，令我哋已經流晒口水，雖然我唔知以前嘅味道係點，但我覺得個魚腩煲煮得都夠乾身，魚腩好香口，又夠滑，都算值得推介。另外我哋仲叫咗個爽脆魚皮，之前係澳門食過覺得好好食，估唔到係香港都食到。魚皮果然係非常爽脆，怕腥嘅可以加埋蔥絲一齊食，點埋佢自家製嘅辣豉油汁，好味！！佢仲加左d 花生粒，食下魚皮又食下花生，正😋😋而麵食來講，魚蛋麵同埋撈麵我個人都覺得唔錯。