兩三串串燒沙冰專門店

Open Now

Now Closed

住左喺慈雲山咁多年，有唔少嘅宵夜鋪，不過兩三串唯獨係我嘅最愛。佢哋嘅串燒種類好多，仲有炸物同解渴嘅鮮果沙冰，而且價錢又唔貴，非常之抵食。除咗串燒嘅種類好多之外，佢哋自家製嘅醬汁配搭唔同種類嘅串燒亦都非常出色。重點推介佢哋嘅燒牛舌同燒雞皮，牛舌燒到外面脆脆地，但入邊依然非常多汁，有啖啖的牛油香，而燒雞皮就非常脆，小小油膩感都冇，同出邊嘅日式燒雞皮唔同，唔需要點醬汁，少少椒鹽就好似食緊零食禁。而佢哋亦都有唔同嘅燒海鮮，價錢唔貴之餘，亦都好大隻，絕對值得一試。