彩興來來火鍋 (Closed)

今日妹妹來電，約我去她家附近食鴨煲，她住將軍澳，說發現帝景灣商場有一間彩興來來火鍋，聽街坊話鴨煲好好味，所以叫埋我一齊去。有好嘢食當然奉陪啦！火鍋店地方整潔，座位不會好迫。火鍋混醬調味齊全。火鍋是用鐵鍋。鴨上枱前已經是半製成品，一碟鴨，一碟料頭。侍應首先將鐵鍋燒熱，之後爆炒薑片、蒜頭、蒜，再將鴨連醬汁一起倒入鍋內煮，加少許上湯，再蓋上鍋蓋煮一陣就食得。鴨肉嫩又入味，蘿白吸收了醬汁和鴨的鮮味，十分香甜！食完鸭就加入上湯，預備食火鍋。因為有煮鴨的醬汁，湯底都好惹味！鮮打蝦滑：用鮮蝦打成蝦滑，加上蟹子，味道鮮味又有口感。西班牙黑毛豬：肉質鮮紅的黑毛豬，不太薄又不太厚，輕輕灼一灼就食得，肉質鮮嫩，味道鮮甜！白鱔片：好新鮮，厚切冇骨，十分彈牙。即炸響鈴：即叫即炸，上枱還是熱的，脆卜卜，豆味香濃。