彩福欣宴 (Closed)

最近真係感到同家人食餐家常便飯，已經有種奢侈感。喺城市入面總係有種陌生感覺，所以放工後心血來潮，就約埋女皇嘅爸媽一齊食反餐飯。而地點就揀咗倆老嘅指定飯堂彩福，今次係佐敦店。一段時間無黎發現酒樓添置左幾部大電視，相信係供宴會時使用，而平日就令我們啲常客多左份享受。喺彩福食飯有另一好處係晚飯三寶可以幫到三心倆意嘅我地，更容易決定自己想食乜。晚飯三寶係由燒味部，廚房同海鮮部中各選一款菜色嘅套餐。而每次黎都可以試到唔同組合，所以真係幾好，今次我地就點左姜葱焗肉蟹，份量係一隻，勝左夠大隻多肉，四人用絶對夠喉，焗蟹效果乾身，姜葱味濃，唔錯。脆皮燒腩仔，外皮鬆脆，肉組織肥瘦相隔，層次分明，肉帶咸香，繼懷舊金牌叉燒又一傑作瑤柱蝦乾浸勝瓜，味道偏淡，但有助解膩。最後點左清蒸沙巴龍蠆班同彩椒菠蘿咕嚕肉，倆度相當下飯嘅餸，可惜貪心嘅我們太飽啦，放棄白飯，改選桂花糕，希望黎緊大家都可以珍惜同家人朋友嘅每餐相聚時刻，享受自己開心用餐心情。