食飯

Open Now

Now Closed

原本係去食小炒無開到，見到食飯就再黎食過，之前食過次係好食，唔花巧好地道，今次食隔兩條街新店。1.泰東北酸辣腸，作為小食都幾好味，送酒一流。好似脆皮腸咁啲皮，有小小酸酸地，配薑粒同辣椒粒一齊食，幾特別，但食食下有啲咸。2. 蟹肉黃咖哩，原來想食船河，但見平時其他地方冇呢個餸就試下。蟹肉食食下發現其實都幾多下，夾柱粉沾下蟹肉，味道偏淡但唔差嘅，唔會唔好食，但試過一次就够。3. 海南雞（無影到），正正常常。整體一定唔會唔好食，但都冇覺得特別好食，就係一間感覺地道嘅餐廳，就好似佢地個名食飯一樣，好似平時家常便飯個種感覺。