明記海鮮潮州菜館 (天保大廈)

Open Now

Now Closed

同屋企人食飯，因為長輩都鍾意食中菜，有時候會去明記食潮州菜。明記嘅菜式好大份，有時都見到好多年輕人聚會嘅時候去食。小店入面有圓枱、有卡位，今次坐卡位有啲迫迫地，空間唔係咁寬鬆。今次都點左好幾個小菜：滷水三拼（滷水墨魚、滷水大腸、滷水五花朒）（$108 ）正宗潮州味道，墨魚片好爽👍🏻菠蘿生炒骨（ $78 ）酸酸甜甜，外面嗰浸生粉唔厚，送飯一流，食完一件又一件。魚香茄子煲（ $70 ）夠穫氣，茄子唔會散開晒淋啤啤，又係送飯之選。雜菌炆伊面（ $88 ）中規中矩，同一般嘅伊面味道差唔多。石鍋啫芥蘭（ $78 ）芥蘭好爽好清甜，好多醬汁。