王家沙．花樣年華 (金朝陽中心) (Closed)

慶祝家人生日，家中有老有嫩，就大家唔同口味，首選必定上海菜。之前朋友介紹過唔錯，所以就同屋企人黎試試。呢到環境寬躺舒適，傾計聚會好地方，服務又好好，我地食到一半時，服務員主動黎幫我地換碗碟，而且，上菜速度又快，食物又好味，經過今次，相信好快又會再黎。 蘇式鮮肉小籠包 $54皮薄易夾唔鬆散，而且好多湯汁，鮮甜唔咸唔油膩。 麻辣口水雞 $88雞肉嫩滑，但只有辣味，無麻辣。 鮮肉鍋貼 $84煎到個底脆口，味道同小籠包差不多。 巴蜀回鍋肉 $98味道偏濃，夠惹味。 王家沙擔擔麵 $68麵比較淋身，但個湯夠花生醬，香濃少辣。 魚湯白菜仔 $78湯清甜，白菜仔爽口唔淋。 黑毛豬扒粗炒麵 $108麵都係比較淋身，煮耐左少少。豬扒就好好，好脆好鬆化。鮮肉生煎包 (5隻) $84 呢個必食之一，但超熱， 要整個窿等涼一涼，比小籠包更多更多湯汁，而且個底又煎到好鬆脆，一流。松子鱸魚 $208炸到脆卜卜，小朋友最鍾意，汁較為甜，酸味較少。 流心奶黃包 $38 呢個又係必食，熱辣辣一咬開奶油流哂出黎，夠香。