人和月雞煲火鍋店 (Closed)

而家晚市禁堂食，收工想食雞煲都只能夠外賣。但係呢間餐廳真係抵到不得了，因為裝備齊全之餘仲要再七五折。一個二人餐都係$400有找。我話佢設備齊全係因為我估唔到佢連爐都有埋，仲有超大張枱布，真係你拎住呢個雞煲去野餐都冇問題。而且醬汁方面佢真係好似你堂食咁樣比齊晒所有醬料你，真係同堂食冇分別。佢個雞煲會跟咗一大碗雞汁同埋雞湯，而且佢嘅份量仲會多過你平時堂食添，絕對唔使擔心唔夠汁。以佢啲雞就切得比較細粒，可能因為咁，所以舊舊都比較入味，而且啲計到啱啱好，唔會太老。配料我哋就揀咗韭菜餃同墨魚丸，佢啲韭菜餃都幾香。而家啲墨魚丸都真係好大粒好彈牙，喺台灣嗰種墨魚丸。配菜仲揀咗芋絲同埋萵筍，仲有一大盒油麥菜，佢嘅份量真係比我想像中多好多，其實真係夠三至四個人食。肉類就揀咗日本黑豚五花肉，佢應該係五花腩嚟嘅，所以會係有啲肥膏，但係食落其實唔會太膩。仲有隻日本黑豚肉，佢呢隻就比較瘦啲，但係都好林。嘢飲方便我就揀咗玫瑰茉莉同埋桂花烏龍，佢嘅冷泡茶都係無糖嘅，但係好香花香味。成個餐真係好抵食，絕對可以再encore。