Video
Read full review
2020-01-07
85 views
星期六竟然要開OT🙀，做埋啲嘢3點3收工啱啱好夠鐘食Tea！呢日決定去近嚟爆紅(黃)嘅饗車仔麵舖試下啦，因為閒日返緊工食唔到下午茶時段🙈。果然不出我所料，小店門外有條小小嘅人龍，好彩等咗10分鐘到就入得。等嘅同時，睇下個餐牌同啲文宣先，成間餐廳真係填滿咗各式各樣嘅poster💛，環境變得好有個性同富有濃濃嘅香港情懷🇭🇰。下午茶時段點車仔麵送飲品，我同同事一人點咗一碗3餸車仔麵($38)，再加咗小食。車仔麵有唔同湯底同麵揀，餸嘅選擇亦都非常多，全部餸劃一價錢，4餸後每加1餸加$9，🌸花多眼亂呀！蕃茄濃湯菠菜麵(+$2)，餸要咗鹵水雞中翼、墨汁墨魚丸同麻辣雞腎。首先抵讚嘅係湯底非常夠熱，食哂成碗都仲出緊煙👍，第二就係蕃茄湯🍅幾好味，唔係用茄膏開的，唔酸唔甜，啱做湯底。而菠菜麵就同平日食開拉麵狀圓身嗰啲唔同，依到係扁扁的，望落好淋咁，但食落ok。至於啲餸就正正常常啦，🐔雞翼同墨丸都各有2件，雞腎食得出有麻辣味，個別有一兩嚿咬唔開。我同事要咗咖哩汁米粉，餸要咗🦑咖喱魷魚、咖喱豬皮同鹵水大腸。咖哩汁記得要撈匀，如果唔係會有啲辣，米粉幾時都好食。至於啲餸，我只係試咗魷魚，味唔錯，份量算多。但我同事
星期六竟然要開OT🙀，做埋啲嘢3點3收工啱啱好夠鐘食Tea！呢日決定去近嚟爆紅(黃)嘅饗車仔麵舖試下啦，因為閒日返緊工食唔到下午茶時段🙈。果然不出我所料，小店門外有條小小嘅人龍，好彩等咗10分鐘到就入得。
等嘅同時，睇下個餐牌同啲文宣先，成間餐廳真係填滿咗各式各樣嘅poster💛，環境變得好有個性同富有濃濃嘅香港情懷🇭🇰。
下午茶時段點車仔麵送飲品，我同同事一人點咗一碗3餸車仔麵($38)，再加咗小食。車仔麵有唔同湯底同麵揀，餸嘅選擇亦都非常多，全部餸劃一價錢，4餸後每加1餸加$9，🌸花多眼亂呀！
蕃茄濃湯菠菜麵(+$2)，餸要咗鹵水雞中翼、墨汁墨魚丸同麻辣雞腎。首先抵讚嘅係湯底非常夠熱，食哂成碗都仲出緊煙👍，第二就係蕃茄湯🍅幾好味，唔係用茄膏開的，唔酸唔甜，啱做湯底。而菠菜麵就同平日食開拉麵狀圓身嗰啲唔同，依到係扁扁的，望落好淋咁，但食落ok。至於啲餸就正正常常啦，🐔雞翼同墨丸都各有2件，雞腎食得出有麻辣味，個別有一兩嚿咬唔開。
我同事要咗咖哩汁米粉，餸要咗🦑咖喱魷魚、咖喱豬皮同鹵水大腸。咖哩汁記得要撈匀，如果唔係會有啲辣，米粉幾時都好食。至於啲餸，我只係試咗魷魚，味唔錯，份量算多。但我同事話豬大腸同出面傳統嗰啲唔太同，而有2嚿豬皮就有少少毛喎，不過其餘都ok🙈。
蝦多士
$25
4 views
0 likes
0 comments
小食方面，我哋要咗🍞蝦多士2件($25)，由於係即炸，所以差唔多到我哋食完先送上，時間啱啱好😊。蝦多士造型吸引，四方一塊多士上面放上厚厚嘅蝦膠，蝦膠彈牙之餘，仲食得出蝦肉🦐，非常高質、好食😋。如果想進一步昇華，餐廳可以考慮加啲芝麻一齊煎或者俾沙律醬客人點嚟食。
炸魚餅($38)，依個係泰式風味🇹🇭，除咗有泰式甜酸辣醬外，魚餅本身都有啲辣味，唔錯！魚餅有6件，2個人一定夠食。
飲品方面，跟餐配熱飲唔使補錢，凍飲加$3。我哋分別要咗熱菜蜜同凍奶茶，凍熱飲都好大杯，抵飲👏。
總括嚟講，呢間街坊車仔麵店係幾唔錯嘅，行新派路線，湯底我會推介蕃茄湯，而蝦多士亦都必點🤤。環境方面，舖面唔大，小小逼，但ok啦，又唔係fine dine，食碗麵姐。店內嘅年輕職員全部都係用心經營，💛良心小店要加油啊💪。
Post
