Video
Read full review
2014-09-08
1274 views
週圍都冇位、試吓問一問、仲有位，於是數天前訂下,經理李小姐十分殷勤、菜單有商有量、仲可以自來海鮮、但要着量收油料錢，合理。佢力推茶皇鷄，但老人家嫌熱氣、轉咗豉油鷄！晚上入坐后、招呼唔錯、成間餐廳九成入坐率都算熱鬧。頭盤是燒味拼盤、冇乜特別、一般行貨, 再落嚟係豉油皇香煎大虾，師父好手勢,不太燶，啱啱好，冇嘥咗啲自來海鲜、之后上個原盅燉螺頭、呢嗰真係冇得頂、足料夠火喉，成家人更連渣都食埋。再來係。西蘭花帶子拼脆皮牛坑腩，呢味餸估佢唔到、牛腩外脆內軟、拼埋大大粒帶子、真係十分有創意、味道一流、又照鏡跟住係海參、份量好足，勝在唔係好似漿糊咁、口感唔錯、蒜茸蒸大元貝、因為自來、冇乜功夫可言、條老虎班同鷄就真係冇乜特别、不過不失最后驚喜、竟然係飄香荷葉飯、真系太飽了，但真係要打包，食咗兩啖，不乾不太濕、個人認為好味，唔可以浪費師父心机。总括而言呢餐連自來海鮮，十二位、四仟銀唔駛、超值，但不可不提，呢間餐廳服務，出品真係唔錯、但人手就唔夠，等加熱水沖茶，擧手都冇人理，仲要等、應該要改善，但員工態度就值得一讚，忙得嚟都笑臉迎人、夠體貼。見佢地咁辛苦，冇投訴啦！
週圍都冇位、試吓問一問、仲有位，於是數天前訂下,經理李小姐十分殷勤、菜單有商有量、仲可以自來海鮮、但要着量收油料錢，合理。佢力推茶皇鷄，但老人家嫌熱氣、轉咗豉油鷄！
晚上入坐后、招呼唔錯、成間餐廳九成入坐率都算熱鬧。頭盤是燒味拼盤、冇乜特別、一般行貨,
再落嚟係豉油皇香煎大虾，師父好手勢,不太燶，啱啱好，冇嘥咗啲自來海鲜、
之后上個原盅燉螺頭、呢嗰真係冇得頂、足料夠火喉，成家人更連渣都食埋。
再來係。西蘭花帶子拼脆皮牛坑腩，呢味餸估佢唔到、牛腩外脆內軟、拼埋大大粒帶子、真係十分有創意、味道一流、又照鏡
跟住係海參、份量好足，勝在唔係好似漿糊咁、口感唔錯、
蒜茸蒸大元貝、因為自來、冇乜功夫可言、條老虎班同鷄就真係冇乜特别、不過不失
最后驚喜、竟然係飄香荷葉飯、真系太飽了，但真係要打包，食咗兩啖，不乾不太濕、個人認為好味，唔可以浪費師父心机。
总括而言呢餐連自來海鮮，十二位、四仟銀唔駛、超值，但不可不提，呢間餐廳服務，出品真係唔錯、但人手就唔夠，等加熱水沖茶，擧手都冇人理，仲要等、應該要改善，但員工態度就值得一讚，忙得嚟都笑臉迎人、夠體貼。見佢地咁辛苦，冇投訴啦！
Post
