Video
Read full review
2011-02-14
92 views
城中的富豪飯堂，有機會當然要一試，早一天訂枱，竟然都有位。中午十二點準時到達，地下的知客很有禮地帶我們到三樓，當時只有一、兩枱客。一坐下已有侍應貼身跟進，不到一分鐘茶已上枱。一看點心紙，立刻傻了眼，最平的點心都要$50，可能係我並未讀之前的食評，未有心理準備。以往去的高檔中菜食府如陸羽、龍景軒等，普通點心都係介乎$30-40，所以當看到這裡的鳯爪都要$60時，一時間真的難以接受。好了，既然一場來到，就豁出去吧。先來四個點心︰蝦餃︰蝦餃大大隻，蝦有鮮味，皮亦靚。金粟墨魚餅︰好鮮甜。麻蓉包︰麻蓉飽細細個，但係餡料係糖心的，介乎液體與固體之間，味道一流。合桃露︰完全係合桃磨出來的，並非如一般坊間的只係一碗有合桃味的糊。食得出合桃的粒子，但係都好滑，不太甜。問題係太細碗，不過如果作為飯後甜品個份量就適中。因為點心的份量偏細，當然不夠飽，再來︰雞扎︰這點心水準普通，不是不好，但跟一般茶樓食到的分別不大。鮮竹卷︰上湯好味，鮮竹卷則合乎水準。服務很週到，全程都有侍應不停為我們添茶，亦會細心留意我們的需要，埋單時亦主動提醒持東亞、匯豐白金卡有九折。美中不足係侍應們間中會在客人身邊大聲傾談，稍欠專業。食
中午十二點準時到達，地下的知客很有禮地帶我們到三樓，當時只有一、兩枱客。
一坐下已有侍應貼身跟進，不到一分鐘茶已上枱。
一看點心紙，立刻傻了眼，最平的點心都要$50，可能係我並未讀之前的食評，未有心理準備。以往去的高檔中菜食府如陸羽、龍景軒等，普通點心都係介乎$30-40，所以當看到這裡的鳯爪都要$60時，一時間真的難以接受。
好了，既然一場來到，就豁出去吧。
先來四個點心︰
蝦餃︰蝦餃大大隻，蝦有鮮味，皮亦靚。
金粟墨魚餅︰好鮮甜。
麻蓉包︰麻蓉飽細細個，但係餡料係糖心的，介乎液體與固體之間，味道一流。
合桃露︰完全係合桃磨出來的，並非如一般坊間的只係一碗有合桃味的糊。食得出合桃的粒子，但係都好滑，不太甜。問題係太細碗，不過如果作為飯後甜品個份量就適中。
因為點心的份量偏細，當然不夠飽，再來︰
雞扎︰這點心水準普通，不是不好，但跟一般茶樓食到的分別不大。
鮮竹卷︰上湯好味，鮮竹卷則合乎水準。
服務很週到，全程都有侍應不停為我們添茶，亦會細心留意我們的需要，埋單時亦主動提醒持東亞、匯豐白金卡有九折。美中不足係侍應們間中會在客人身邊大聲傾談，稍欠專業。
食物超水準，但價錢真的驚人，如果價錢不是考慮因素的話...........就好了！
離開時見到大劉的Maybach泊在門外。
Post