人和月雞煲火鍋店 (Closed)

呢間專食雞煲放題嘅餐廳，而家推出左二人餐，價錢大概都係$500左右，而家仲有七五折，已經食得好飽好滿足！雞煲味道好濃郁，啲雞幾多，而且一啲都唔鞋，啖啖肉，好惹味！肉類可以揀兩款，無論佢嘅牛定豬，都幾大塊幾厚身，而且睇佢啲肥瘦脂肪比例，都唔錯！丸類正常，響鈴幾好食，唔會淋晒或者唔新鮮，同埋份量都幾多。油麥菜幾新鮮，洗得幾乾淨。酸菜魚要另外嗌，但係都好值得食！入面嘅魚好滑身，酸菜個味調得啱啱好，而且啲酸菜亦都好有咬口，淨係呢個送飯都已經好好食！粉面亦都有唔同嘅選擇，我哋就揀咗烏冬，兩個人一定夠晒飽！