Video
Read full review
2019-05-08
1516 views
今日中午約埋男友一齊食午餐，驚午市太多人，所以特登12點就約好過去攞位。12點去到已經有唔少人，不過帶位嘅姐姐都問我哋可否一點半前交檯，其實我哋都趕住食完返公司，可能未到1:30已經離座。最後我哋被安排喺門前少少嘅位置，我坐咗喺兩張長凳之間嘅空隙位，都幾唔舒服㗎。店內裝修幾有氣派，位都唔少，有壽司吧檯同鐵板燒位，我哋坐咗一陣已經開始吧檯滿座。不過佢哋有得訂座，下次約好時間可以訂定檯穩陣。是日所見都有母親節餐，不過都係二人前，似情人餐多啲。由於我哋當日都冇食早餐，所以選擇咗熟食，店家有壽司刺身，鐵板燒同湯麵，選擇好多㗎。侍應首先比我哋嘅係味增湯，材料有豆腐粒同海帶、蔥，太鹹，食咗啲料之後已經唔想飲湯。跟手上咗餐飲，我叫嘅熱柚子蜜，好淡好淡，同飲水冇分別。熱咖啡尚可，糖同奶都係另上，可以自己調配喜好。男友嘅銀鱈魚西京燒，配餐有胡麻沙律、芽菜、味增湯及白飯，芽菜調味過，不鹹不淡，味道尚可。沙律嘅胡麻醬份量勉強接受。至於個主菜銀鱈魚，油脂豐富，西京即係經過面豉醃製，鹹香，燒得皮脆肉嫩，不過份量僅僅夠餸飯。一個好高膽固醇得來又忍唔住口嘅美味午餐。有燒安格斯牛肉（薄）裡面夾咗啲蔥，唔會韌，有個汁點
12點去到已經有唔少人，不過帶位嘅姐姐都問我哋可否一點半前交檯，其實我哋都趕住食完返公司，可能未到1:30已經離座。最後我哋被安排喺門前少少嘅位置，我坐咗喺兩張長凳之間嘅空隙位，都幾唔舒服㗎。
店內裝修幾有氣派，位都唔少，有壽司吧檯同鐵板燒位，我哋坐咗一陣已經開始吧檯滿座。不過佢哋有得訂座，下次約好時間可以訂定檯穩陣。
是日所見都有母親節餐，不過都係二人前，似情人餐多啲。
由於我哋當日都冇食早餐，所以選擇咗熟食，店家有壽司刺身，鐵板燒同湯麵，選擇好多㗎。
味增湯
26 views
0 likes
0 comments
侍應首先比我哋嘅係味增湯，材料有豆腐粒同海帶、蔥，太鹹，食咗啲料之後已經唔想飲湯。
熱柚子蜜
63 views
0 likes
0 comments
跟手上咗餐飲，我叫嘅熱柚子蜜，好淡好淡，同飲水冇分別。
熱咖啡
178 views
0 likes
0 comments
熱咖啡尚可，糖同奶都係另上，可以自己調配喜好。
銀鱈魚西京燒餐
34 views
0 likes
0 comments
男友嘅銀鱈魚西京燒，配餐有胡麻沙律、芽菜、味增湯及白飯，芽菜調味過，不鹹不淡，味道尚可。沙律嘅胡麻醬份量勉強接受。
銀鱈魚
40 views
0 likes
0 comments
至於個主菜銀鱈魚，油脂豐富，西京即係經過面豉醃製，鹹香，燒得皮脆肉嫩，不過份量僅僅夠餸飯。
法國鵝肝安格斯肉眼（薄）鐵板燒 配煙肉炒飯
51 views
0 likes
0 comments
一個好高膽固醇得來又忍唔住口嘅美味午餐。
法國鵝肝安格斯肉眼（薄）鐵板燒
57 views
1 likes
0 comments
有燒安格斯牛肉（薄）裡面夾咗啲蔥，唔會韌，有個汁點一點惹味啲。
仲有啲燒蔬菜，菇、番茄同瓜，令個餐整體健康咗啲。
最後講下個鵝肝～
法國鵝肝多士
26 views
0 likes
0 comments
鵝肝配咗塊多士，我選擇用手拎起食，沒有淑女儀態嘅束縛，盡情喺男友面前享用美食。
法國鵝肝多士
25 views
0 likes
0 comments
比大家睇真啲塊鵝肝，好香好正，油脂豐富，配以多士，嚼口一流，令人回味無窮。
由於相片上傳數量有限，未能讓大家睇埋個飯，跟餐嘅煙肉炒飯略欠乾身，不過冇影響到佢整體嘅口味，除咗煙肉仲會有啲紅蘿蔔碎，其實就算唔跟餸都幾好味。
不過個餐冇跟到匙羹，用筷子夾炒飯嘅功力唔夠，最好同侍應拎返個匙羹用啦。
最後我哋用咗唔到50分鐘嘅時間享用咗一個美味午餐，香港人又要返工，又要趕時間，其實午餐可以美味就儘量對自己好啲啦！
整體來說，算係中上水準，如果細節上跟足啲就更加好啦！下次，搵個夜晚試下啲魚生刺身。
Post
