東園酒家宴會廳 (Closed)

我平時好少食酒樓嘅嘢，因為酒樓成日比我記得印象就係好多野已經準備好晒，好似快餐店咁樣，食落去東鐵鐵，完全冇晒口感。呢度睇落去唔係好大，但係服務員就異常地多，好多服務員都係唔同枱行嚟行去，隨時 Ready 隨叫隨到咁樣。餐牌啲嘢食五花八門，我都唔知叫咩好，我最尾叫咗欖梅砵仔骨、芹香彩虹炒躉球、生者肉崧芥蘭薳、每日足料靚湯。首先係個湯黎左，我係冇諗過可以咁大碗湯，心諗如果我飲咗碗湯之後，就唔使食嘢 😂，個服務員幾細心，佢會將碗例係我哋嘅碗上面，跟住我哋飲完之後，又有服務員幫我地倒。跟住黎的係欖梅砵仔骨，呢個砵仔骨似相當有驚喜，每個砵仔骨都被少量蜜糖包圍，然後有微微既黑椒味，食落又甜又香，而且肉質煮得剛好，軟硬適中，唔會好難咬。之後芹香彩虹炒躉球同賣個生者肉崧芥蘭薳一齊黎，個生者肉崧芥蘭薳我覺得味道一般，因為我覺得個菜落得太多蝦醬，係有明顯嘅鹹味。至於個芹香彩虹炒躉球，黎到既時候見到旁邊既畫已經好想即刻食，食既時候食到好有肉質，然後裡面係啖啖肉，超級送飯。最後有甜品送，紅豆沙香而幼滑，而且不會太甜，入口香濃，十分滿足的一餐。呢次嘅晚餐，我對酒樓嘅睇法係完全改觀。