Video
Read full review
2014-02-27
1845 views
原本同男友講好咗去柯士甸小路食韓國野, 但經過恆豐中心見到Ramen Champion, 怕排隊搵食嘅我地, 見到唔洗等位, 就立即轉軚食拉麵啦。入面就好似food court咁, 有六間唔同特色嘅日本拉麵。由於我哋到達時未到七點, 所以食堂內仲有好多位。入場時有2位工作人員比咗一人一張卡我哋, 係用嚟點餐同付款嘅。行咗一個圈, 最終我簡定咗バリ男的主打拉麵, 點餐時日本師傅仲晌廚房走出嚟, 舉起大姆指笑住對我講: 日本人真係好熱情! 如果我哋香港人可以少d板起塊面, 多多學習各地好嘅待客態度, 相信社會氣氛必定會更和諧 =)叫完嘢食, 比張卡店員DO一DO, 然後佢就比咗個BB機我, 當部機一晌就可以去領食啦~!等咗大約10分鐘左右, 终有得食啦~! 領食處側邊擺放咗D調味料, 自助形式, 好方便。我嘅拉麵係東京豬骨湯底, 湯最上層係透明嘅油脂, 湯底以豬筒骨熬 12 小時以上, 所以好香濃, 同往日晌新宿歌舞妓町食到的一間拉麵店嘅湯底好相似~! 加上D生蒜、辣粉, 好惹味!! 超男嘅拉麵比較粗身, 有咬口, 唔會怕因為浸得太浸而變淋。加上大量芽菜一齊食, 更加爽口呢!另外, 义燒
入面就好似food court咁, 有六間唔同特色嘅日本拉麵。由於我哋到達時未到七點, 所以食堂內仲有好多位。入場時有2位工作人員比咗一人一張卡我哋, 係用嚟點餐同付款嘅。
行咗一個圈, 最終我簡定咗バリ男的主打拉麵, 點餐時日本師傅仲晌廚房走出嚟, 舉起大姆指笑住對我講:[good choice!] 日本人真係好熱情! 如果我哋香港人可以少d板起塊面, 多多學習各地好嘅待客態度, 相信社會氣氛必定會更和諧 =)
叫完嘢食, 比張卡店員DO一DO, 然後佢就比咗個BB機我, 當部機一晌就可以去領食啦~!
等咗大約10分鐘左右, 终有得食啦~! 領食處側邊擺放咗D調味料, 自助形式, 好方便。我嘅拉麵係東京豬骨湯底, 湯最上層係透明嘅油脂, 湯底以豬筒骨熬 12 小時以上, 所以好香濃, 同往日晌新宿歌舞妓町食到的一間拉麵店嘅湯底好相似~! 加上D生蒜、辣粉, 好惹味!!
超男嘅拉麵比較粗身, 有咬口, 唔會怕因為浸得太浸而變淋。加上大量芽菜一齊食, 更加爽口呢!
另外, 义燒肥瘦均稱, 一D都唔乾, 唔會怕痴牙! 味道方而比較淡, 但同濃厚湯底一凹一凸配合起嚟就好夾啦!
不得不提個原隻流心蛋, 滷得非常入味! 蛋黃熟度係剛剛好, 唔會一咬落去就流到周圍都係。讚!!
------------------------------順帶一提, 男友叫咗南青山拉麵, 晌哩度就唔多講評語。
但個人就較欣賞超男嘅湯底同蛋。
Other Info. :
整體好味, 但價錢有D貴。辣粉好惹味, 唔係好辣, 怕辣人仕都啱食。 另外, 如果有得簡坐位嘅時候, 大家最好坐中間位置, 因為各麵店都會大大聲招客人, 所以都幾嘈。
(The above review is the personal opinion of a user which does not represent OpenRice's point of view.)
Post
