Video
Read full review
2022-04-28
93 views
整整兩年冇出走，當然非常掛住搭飛機時遨遊天際嘅感覺。雖然疫情稍為放緩，但距離出國嘅日子似乎仲係遙遙無期。如果你同我都有一樣嘅感受，或者嚟Cabin crew coffee可以暫時滿足你嘅心願😳Cabin crew coffee屬Hollybrown團隊打造，以飛行作為概念嘅主題餐廳。場內設有時區鐘、航廈指示牌等打卡位，而最特別莫過於以機艙為靈感設計嘅座位，可以睇到雲海、富士山景，即刻搵返旅行時嘅感覺🙆🏻♀️！• Lamb Shoulder Lasagna $178千層麵之間夾雜住一絲絲羊肩肉同Creamy嘅醬汁，羊味比想像中更出眾，麵皮即使放耐咗亦都唔易爛，份量睇落比較小巧，食起嚟其實都幾飽肚下😗• BBQ Combo $348一個拼盤裏面有齊豬肋骨、半隻燒雞同迷你手撕豬肉包，仲唔係食肉獸嘅最愛🤩？！燒雞同豬肋骨均用上Barbecue sauce調味，甜甜哋再加上煙燻嘅香味，味道幾討好，唯燒雞嘅胸位有少少乾嚡，雞髀位就冇咁嘅問題。配菜仲有炸薯角，成個set都幾豐富，乜都想試少少，可以嗌依個😌• Chocolate Banana Hotcake 足足六層Hotcake上面淋滿朱古力醬，配
Cabin crew coffee屬Hollybrown團隊打造，以飛行作為概念嘅主題餐廳。場內設有時區鐘、航廈指示牌等打卡位，而最特別莫過於以機艙為靈感設計嘅座位，可以睇到雲海、富士山景，即刻搵返旅行時嘅感覺🙆🏻♀️！
• Lamb Shoulder Lasagna $178
千層麵之間夾雜住一絲絲羊肩肉同Creamy嘅醬汁，羊味比想像中更出眾，麵皮即使放耐咗亦都唔易爛，份量睇落比較小巧，食起嚟其實都幾飽肚下😗
• BBQ Combo $348
一個拼盤裏面有齊豬肋骨、半隻燒雞同迷你手撕豬肉包，仲唔係食肉獸嘅最愛🤩？！燒雞同豬肋骨均用上Barbecue sauce調味，甜甜哋再加上煙燻嘅香味，味道幾討好，唯燒雞嘅胸位有少少乾嚡，雞髀位就冇咁嘅問題。配菜仲有炸薯角，成個set都幾豐富，乜都想試少少，可以嗌依個😌
• Chocolate Banana Hotcake
足足六層Hotcake上面淋滿朱古力醬，配搭香蕉同雲尼拿雪糕，係嚐甜人士一定會喜愛嘅經典口味😝
• Cold Brew
我同朋友最欣賞依度嘅咖啡。用上埃塞俄比亞嘅咖啡豆，味道清爽有少少茶感，尾段帶果香，唔會有酸味同澀味，好易入口😚
• Purple Potato Latte
粉紫色嘅紫薯latte造型超夢幻！奶味香濃又暖胃，係咖啡以外唔錯嘅選擇🍠
Post
