維の味居酒屋

Open Now

Now Closed

最近愛上吃串燒，四圍都睇下邊度有得食，有日行番屋企見到附近原來都有間串燒小店🍡，bookmark 咗要去試下。 一坐低無耐，店員已經好主動送上鱈魚條🐟，仲以為佢上錯，原來每檯都有得送㗎，無諗過平時食嘅零食可以燒嚟咁食，味道出乎意料之外，微微香脆，加埋蛋黃醬又幾好味喎。 燒魷魚一夜干🦑經過炭火燒烤，魷魚乾軟硬適中，風味濃郁。魷魚肉質肥厚，口感香醇。 嫌燒魷魚一夜干未夠喉，再加多個汁燒魷魚鬚。 汁燒牛肋肉🐮：肉質都幾嫩，牛味濃郁。 雞軟骨：香脆有咬口，送洒一流。 燒萵筍原來都幾好味，平時多數打邊爐食，今次燒嘅感覺都唔錯，同樣好爽口，而且更加帶出萵筍嘅味道。 粟米🌽：粟米香甜，有陣陣牛油味。 燒黑豚腩🐖：五花肉同脂肪比例恰到好處，油脂香氣十足，油脂入口仲保留住脂肪融化口中的香味，表面焦香，肉質柔嫩多汁，肉味濃郁美味。