Riso Café (Closed)

活動後整個人疲憊不堪,尤其是腦袋!!結束後大家走到呢間小小餐廳休息一下,由於午餐食得太豐富,今次只係試下飲品先。餐牌的確熟口熟面,正如yan所言,好似fuzion smoothie!幾乎是同出一轍!!在各式各樣飲品中,最後揀左用芒果、蘋果打成既尋金熱夢。呢杯smoothie顏色金黃,相當搶眼。從外面都見到粒粒蘋果皮,似乎用料幾足。口感相當幼滑,飲到濃濃芒果同蘋果香味,間中仲有少少果肉食到,相信天氣熱時飲會更加滋味。其他honhon食薯角同意大利飯,雖然無試到,但聞到薯角味道相當香,而大家對意大利飯評語都唔錯,相信應該都幾好味。