逸之燒 (Closed)

好耐冇食日本野，同朋友仔樣樣都想食，上網搵左呢間逸之燒，可以滿足晒又樣樣都想食既慾望。首先黎個三文魚壽司，鰻魚壽司，油甘魚壽司，飽滿既魚生包好成舊飯，魚生新鮮，食落魚油好美味。吉列南瓜餅，超鬆脆既外面，裡面甜甜南瓜蓉，正！芝士啡菇，大啡菇厚肉多汁，上面係濃厚烤芝士。芝士年糕，外面煎到金黃，中層煙煙韌韌，個心就係軟綿綿芝士。汁燒黑椒安格斯牛肉串，汁燒免治雞肉棒，汁燒鰻魚串，鵪鶉蛋串，燒廣島蠔，叫左啲串燒，每串都有自己獨有味道，廣島蠔燒完依然肥美多蠔汁。免治雞肉棒就嫩肉有口感。和風炒雜菜，又炸物又串燒，整個菜平衡下。安格斯牛小扒壽喜燒，牛肉好靚仔，新鮮又紅潤，而且有牛味，成個鍋都咸甜適中，所以加左個白飯送飯，哈！