久兵衛外賣壽司店 (Closed)

外賣都可以食得好好，紅磡新開咗間壽司刺身外賣店，同平時食到嘅唔同，佢有好多高質嘅魚生，啱晒鍾意食日本野嘅大家。第一眼就睇中佢海報個招牌丼飯-久兵衛丼，有好多款刺身喺上面，好似唔錯，一於就試吓啦。佢打包得好好，除咗wasabi同豉油，竟然仲有薑，最貼心係有包消毒濕紙巾同冰袋。 返到屋企仲keep到好新鮮，尤其海膽有驚喜，夠鮮甜，唔比普通壽司店差，仲有拖羅，都好肥美。其他仲有三文魚、油甘魚、赤蝦、池魚、左邊魚、北極貝、魷魚、飛魚子、蟹柳，都真係幾豐富，$150都好合理。食完真係好夠飽，唔錯。