漁釧 (將軍澳中心) (Closed)

係popcorn行過黎已經見過好多人等位,由於我實在太懶所以早兩個禮拜已經book咗檯特別想試佢個雞白湯拉麵～好彩今次6點黎到即刻安排入座仲食到心心念念嘅雞白湯拉麵💓—————————————————————📍 漁釧 (將軍澳中心)地址: 將軍澳唐德街9號將軍澳中心G樓G89號舖✍🏻/食評/◍黃金軟殼蟹 $92軟殼蟹本身炸得香脆,加上用流沙蛋黃炒蓋上一層金黃色,鹹鹹香香嘅蛋黃好惹味◍濃厚醬油雞白湯拉麵 $108叉燒份量比想像中多,總共有六塊,煮得入口即溶,加埋半熟流心蛋好邪惡！！湯底，非常濃郁厚身,好creamy好有骨膠原嘅感覺～◍ 極盛四色刺身丼 $218入面包咗中拖羅、帆立具、吞拿魚蓉同赤蝦,每一樣刺身都好新鮮,食落啖啖肉完全冇筋,吞拿魚蓉夠滑完全唔油膩！◍醬汁鮑魚 $68廚師將佢切開兩種切法,粒狀同片狀,切粒比較有口感同入味,小食黎講味道不錯唔會好鹹