漁之部屋 (Closed)

將軍澳區新盤相繼入伙，而將軍澳商店亦愈黎愈多，今次我地BOOK左將軍澳站天晉II樓下商場天晉匯嘅漁之部屋食放題慶祝同事新入伙。寶琳果間漁之部屋我地之前已經食過幾次, 都一致同意呢間店D刺身好新鮮價錢亦唔貴，所以今次BOOK左近同事新居呢間分店，睇下食物質素會唔會一樣咁好。坐底第一件事當然係點左刺身食先啦，呢間分店嘅剌身果然同寶琳果間一樣咁好，非常鮮甜新鮮肥美，我地清完一盤就已經急不及待ENCORE刺身啦壽司都唔錯，同事們好喜歡，不過我自己都係比較鍾意刺身另外每位都有贈送黑松露鮑魚，估唔到個味咁夾，鮑魚爽口彈牙，可惜冇得ENCORE天婦羅同其他放題店比較，呢度做得比較香脆，讚!其他食物都OK, 環境都好好，冇寶琳果間坐得咁迫，係燈光強左少少，坐得耐對眼會有少少累。