京滬佳餚 (The LOHAS康城) (Closed)

之前聽朋友介紹呢間中菜整體水準唔錯，所以遠少少都要入康城食。好彩訂咗位因為Booking都好full三個人叫咗半份片皮鴨，個皮一上枱仲有煙，不過就真係要盡快食，因為好快變涼片皮鴨冇乜脂肪，值得一讚就係起埋啲脂肪！皮脆有油脂香，鴨肉冇肉蘇味🍗不過餅皮唔夠，要叫多一份屋企人叫嘅孜然羊肉，一上枱已經聞到孜然香味，我唔食羊肉所以冇試，但係屋企人係羊肉專家，佢哋話$200呢個價錢真係好抵，份量多而且質素唔錯，大讚！叫咗個滕椒魚，入面係冇酸菜嘅，酸味係黎自檸檬，其實比起老壇酸菜魚少咗一個層次，但係都好好味，魚肉冇骨滑嫩，入邊仲有薯粉，嗦湯，正！