大灰熊廚房 (Under Renovation)

今日嚟行完DonDonDonki就搵飯食估唔到依邊都開咗好多間餐廳搵咗依間食小菜嘅餐廳優惠家庭餐（兩位用$188）個餐有湯有小菜包白飯飲品·西湖牛肉羹外表雖然睇落好似無咩味咁但熱辣辣 超足料羹嚟講 佢唔係話杰撻撻個款 剛剛好小食我地叫咗個椒鹽栗米平時食牛油栗米就食得多椒鹽栗米真係第一次 超有驚喜!!栗米好甜 佢唔係一粒粒散開晒而係一排排 唔乾身唔痴牙 超有鑊氣👍🏻拔絲咕嚕肉皮夠脆甜酸度適中 送飯一流👍🏻鹽香雞自家製 職員仲話係其中一款熱銷菜式無骨 啖啖肉 啲雞都好滑