稻(日本料理) (Closed)

農曆新年期間日日都食中菜, 老細請食開年飯, 一於轉下口味食日本菜. 睇雜誌話呢間"稻"係日本名店"稻菊"的姊妹店, 質素實有保證, 果然無令我地失望. 老細俾錢梗係叫D平時唔捨得食果D, 最讚既係海膽冷素麵, D海膽勁新鮮, 一睇D顏色就知係靚野, 鮮橙色, 好有光澤, 個waitress話最好撈埋D麵一齊食, 但係我撈之前都係忍唔住淨係夾左舊海膽黎食, 軟綿綿, 超鮮甜. 我地其中一位同事係食素既, 以為無咩選擇, 點知原來都有好介紹, 最特別係個雜錦漬物, 除左最普通既蘿蔔同薑, 仲有牛蒡, 蒜頭, 醃菜等等, 越食越開胃. 我地食魚生壽司拼盤, 師傅就特別整左個素菜壽司拼盤俾佢, 連我呢個食肉獸見到都覺得好吸引.我地仲叫左脆炸白飯魚, 燒蟹腳, 天婦羅, 牛肉烏冬, 最後仲整多個燒飯團, 大滿足呀! 下次黎試埋個 lunch 先得, D定食好似幾抵食咁.