泰Grill (天晉匯)

又有朋友新居入伙 所以過咗嚟佢屋企附近食晚餐 嚟咗呢間泰國嘢😝 呢間泰國餐廳嘅舖面唔算好大 平日夜晚幾乎坐滿呀🫢泰式小食拼盤呢個拼盤有炸蝦餅 泰式春卷 蜜糖雞中翼🐥 炸蝦餅嘅蝦肉幾彈牙 春卷脆卜卜 點泰式酸辣醬幾好味 雞翼就大隻有肉汁☺️肉碎生菜包 (配蒜蓉包)肉碎有紫洋蔥 蒜蓉同辣椒一齊煮 所以就咁食就有啲酸酸辣辣🌶️ 包埋生菜咁食就啱啱好 幾清新 蒜蓉包好香牛油味 幾鬆脆 配肉碎食都唔錯🍞虎蝦炒金邊粉金邊粉嘅份量都唔少 味道酸酸辣辣咁 炒得唔會太乾或者太濕 口感唔錯 虎蝦炸到卜卜脆 連殼都食到呀🦐 雞肉串呢個嘅精髓喺個醬度 沙嗲醬幾有花生味 配雞肉食好夾 雞肉好嫩滑 如果多朋友食仲可以嗌半打😝呢間街坊餐廳都好多人幫襯㗎 除咗堂食之外 見到好多人嚟拎外賣 我哋食完都覺得啲野食係值得支持嘅👏🏼 想下次再幫襯