漁之部屋 (Closed)

平時真係唔太鐘意食放題，因為自己唔算係個「大食」之人，成日都覺得食放題、自助餐會好唔抵。不過真係睇下你係咩人，好似我朋友咁，個胃好似無底洞咁，自然就覺得自助餐、放題呢類型嘅款式啱晒佢！今日同佢食飯，出去餐廳食又怕貴又唔夠佢食，所以我地決定食放題。 漁之部屋咁啱係我地屋企附近，上次經過都算幾多人，相信應該都唔差既～咁啱有呢次機會，就試試啦！around $250-280 兩個小時任食，看過Menu都算係幾多野食。 前菜點左魚翅螺肉，一點腥味也沒有，加左魚翅嘅螺肉反而更有口感。 食得放題，梗係要點瘋狂點刺身啦！我地點左大甜蝦、赤貝、帶子、牡丹蝦。第一Round既我地比較保守，點少少試下個質素先！估唔到佢嘅刺身又幾新鮮喎，尤其一級帶子和牡丹蝦，超大件的！ 跟住試左奇妙脆脆 - 戀上雲丹和高海拔之戀。雖然呢兩款都放咗唔算太多的材料，但係咁樣加埋筒一齊食，食到白飯再加脆脆，口感幾特別，間唔中仲食到刺身材料，真的不錯！ 之後到卷物了，個個日式餅卷幾得意，係餅乾上加上材料，令我諗起喺關西用蝦餅夾住章魚小丸子既食法。仲有花之戀人和加州反卷，應該都對呢個名字不陌生了！ 其實仲點左好多野食，不過已經唔記得