Running 燒 (Closed)

難得同朋友一齊放假，約咗一齊食晚飯但係又唔想去咁遠就決定留返喺將軍澳，知道Running燒喺popcorn開咗新店，就嚟試下係唔係同旺角一樣咁唔錯🤗醬汁；蔬菜類同少量熟食仲有飲品同甜品就喺出面可以自取！肉類；海鮮同小食就用電話落單好方便，我哋叫咗好多嘢食，牛肋骨；西施牛肉片；薄切西冷牛扒；豬頭枕；厚切豬腩肉；扇貝；帶子；蒜蓉芝士生蠔……牛五花肉同生蠔仲有炸雞係我哋嘅最愛，點咗幾次😍😍生蠔有2款，蒜蓉芝士生蠔同原味，我哋都一致認為原味已經好好食簡簡單單原汁原味，食落鮮甜無腥味❤️牛五花肉係今餐點得最多次嘅肉類，大大片而且油脂分佈得好平均仲有滿滿嘅蒜蓉，因為係薄片所以燒一燒好快就食得而且充滿油香同肉汁👍🏻👍🏻👍🏻炸雞有幾款，每款都係即叫即炸，熱辣辣脆卜卜🤤食物款式選擇多質素亦唔錯，完全冇漏單嘅情況，連Dreyer's乳酪雪條都可以任食，難怪未夠六點入座已經差唔多全場爆滿！