Video
Read full review
2018-01-17
932 views
朋友每次喺北角補完習都會經過呢條樓梯街。地方離北角港鐵站唔遠，但小巷比較隱蔽，要留心啲先搵到呢個「小蘇豪」。餐廳唔大，但別樹一格。店裏有唔少英倫復古陳設。燈光點綴，即使係封閉小巷亦能塑造出夜色景緻。唔洗去旺區都可以享受到浪漫氛圍。冬天有暖水俾客人更顯窩心。Soul 9+ 嘅菜式比較精緻，在乎客人唔同觀感嘅用餐體驗。白霧籠罩，呢道前菜係乜嘢?喺一分鐘嘅等待入面已經聞到燻香。店員著我哋輕輕掀起玻璃罩，好讓白霧縈繞不散。櫻桃木燻柑橘帶子．黑醋珍珠 坦白講實在太過精緻。食材配合得宜，帶子肥厚肉鮮。剛熟，切開唔會起絲。鮮味可與刺身媲美，但巧手菜當然係巧手價。主菜點咗 松葉蟹爪、明太子、白酒忌廉意粉。雖然唔係MENU上嘅打卡菜，但賣相一流，仿如一份禮物呈現眼前。蟹腳肉厚。硬殼已經開咗一條長縫，但要開殼取肉仲係要花點勁。辛苦換嚟嘅蟹肉特別滋味。明太子將黏韌意粉染成櫻花粉紅。配上松葉蟹，不禁令人諗起日本嘅落櫻。醬汁味道唔過火，但白酒味道可以濃一啲。小食相對主菜喺講價錢大眾化得多。啤酒漿令脆皮比較硬脆，冇咁油。但呢日嘅洋葱肉唔太厚，carry唔到較厚身嘅啤酒漿炸皮。加$38主菜轉套餐。榛子味好濃，但個人
餐廳唔大，但別樹一格。
店裏有唔少英倫復古陳設。
燈光點綴，即使係封閉小巷亦能塑造出夜色景緻。唔洗去旺區都可以享受到浪漫氛圍。
冬天有暖水俾客人更顯窩心。
Soul 9+ 嘅菜式比較精緻，在乎客人唔同觀感嘅用餐體驗。
白霧籠罩，呢道前菜係乜嘢?
喺一分鐘嘅等待入面已經聞到燻香。
店員著我哋輕輕掀起玻璃罩，好讓白霧縈繞不散。
櫻桃木燻柑橘帶子．黑醋珍珠
$108
14 views
0 likes
0 comments
櫻桃木燻柑橘帶子．黑醋珍珠 坦白講實在太過精緻。
食材配合得宜，帶子肥厚肉鮮。
剛熟，切開唔會起絲。鮮味可與刺身媲美，但巧手菜當然係巧手價。
主菜點咗 松葉蟹爪、明太子、白酒忌廉意粉。
松葉蟹爪、明太子、白酒忌廉意粉
$148
7 views
0 likes
0 comments
雖然唔係MENU上嘅打卡菜，但賣相一流，仿如一份禮物呈現眼前。
蟹腳肉厚。硬殼已經開咗一條長縫，但要開殼取肉仲係要花點勁。
辛苦換嚟嘅蟹肉特別滋味。
明太子將黏韌意粉染成櫻花粉紅。配上松葉蟹，不禁令人諗起日本嘅落櫻。
醬汁味道唔過火，但白酒味道可以濃一啲。
啤酒漿洋葱圈．自家他他沙律醬
$58
15 views
0 likes
0 comments
小食相對主菜喺講價錢大眾化得多。
啤酒漿令脆皮比較硬脆，冇咁油。
但呢日嘅洋葱肉唔太厚，carry唔到較厚身嘅啤酒漿炸皮。
加$38主菜轉套餐。
凍榛子朱古力
17 views
0 likes
0 comments
榛子味好濃，但個人認為focus 落返去朱古力會比較恰宜。
總括嚟講Soul 9+係食氛圍、養眼嘅聚腳好地方，味道方面前菜設計得比較有特色。
Post
