甜姨姨 (耀華街)

Open Now

Now Closed

同區越開越多刨冰舖頭，競爭好大，但每間其實都sell緊唔同款式。甜姨姨主打港式口味，奶醬多、黑芝麻、楊枝甘露等等，就算刨冰唔啱你口味，都有bagel或者野飲。今次食完醬爆，下次我食想返去試黑極。*醬爆 $98OMG，俾佢個尺寸嚇親，真係有個頭咁大啊！叫嘅時候，我心諗奶醬多味點做刨冰味呢？一啖食落去，第一反應係刨冰非常綿滑，。有啲似食空氣，入口即化。第二感覺，花生醬好濃花生味，加埋煉奶，咪就係奶醬多味！挖到中間就會食到花生粉，多咗一層沙沙地嘅口感。今次乘聯海邊走走，最頂係一小條花生蛋捲，唔洗我講你都知佢有幾好味啦。旁邊有三粒脆厚多士，夾埋刨冰食，口感豐富咗。食到三分之一嘅時候，已經食晒啲煉奶花生醬同奶蓋，單食刨冰都唔會冇味，依然有陣淡花生醬味，鍾意濃味嘅可以倒埋杯奶醬汁落刨冰食。